【港超專版】「三一萬能謙」:釣魚當叉電

【港超專版】「三一萬能謙」:釣魚當叉電 2018年12月06日 22:05Tweet 東網電視更多新聞短片 「三一萬能謙」:釣魚當叉電! 人愈大,擔任的角色便愈來愈多,冠忠南區門將謝德謙在過去2年,先後多了「足球評述員」和「天愛爸爸」兩個角色,令本來已百足咁多爪的他,更加周身唔得閒。但無論怎忙,「阿謙」都會抽空化身釣魚郎︰「釣到魚可以加餸,就算釣唔到,有一、兩個鐘畀我完全放鬆,做自己鍾意做嘅嘢,都係一種福氣。」嫌記者問長問短,打擾其釣魚雅興的謝德謙謂。認識謝德謙的朋友都知道,這位先後效力公民、太陽飛馬和冠忠南區的門將十分多嗜好,例如收集玩具車、駕四驅車、飼養冷門寵物、航拍、打籃球、釣魚……(版位所限,未能盡錄)。惟隨着工作繁忙,加上寶貝女「天愛」一天一天長大,許多嗜好都只能回味,他說:「因為想畀『天愛』多啲空間,焗住要將屋企幾個擺滿晒我啲玩具嘅櫃清走,包括等同『命根』嘅玩具車仔,我都會含淚送畀朋友或者放上網賣晒佢。」一字一淚,相信「阿謙」道出了不少剛為人父者的心聲。除了「天愛」的出現,足球評述員的工作,亦令「阿謙」要與不少嗜好「斬纜」,因為:「首先我要重申,我啲時間分配得好好,足球員同評述員工作係無任何衝突,亦唔會互相影響到,好似第日有比賽,之前兩晚一定唔會去講波,編排上一切都會以足球員身分行先,因為呢一刻踢波先係我嘅正職。而正因為打緊兩份工,要有足夠時間休息之餘,亦要陪老婆同個女,所以之前會同朋友去玩車、打籃球呢啲都冇晒咁滯。」不過,可能自細受到「謙媽」的薰陶,「阿謙」無論怎忙都會為安排時間給自己享受釣魚樂。「細個我跟阿媽去釣,大個阿媽跟我去釣,拍緊拖、結咗婚同Manie去釣,希望『天愛』大啲都鍾意跟我去釣啦!我真係好鍾意釣魚,有收穫當然開心,就算食白果,但嗰過程都可以令我放鬆,有時有腳一齊去釣,吹吓水,都係開心嘅,可以話係我嘅另類叉電方式。」採訪當日,「阿謙」就找來剛回復單身的陳文輝擔當魚腳,全程邊講邊釣,笑聲不絕。「最緊要係啲魚具我可以放喺車尾行李箱,唔會好似啲玩具咁佔到屋企空間,而且Manie本身都鍾意釣魚,所以都好支持我。好似嚟緊我哋一家3口會去沖繩旅行,佢都畀我參加當地嘅5小時釣魚團,自己就同阿女去行街,係唔係好葡萄我呢?」還說很喜歡釣魚,近兩句鐘魚毛也沒一條,「鍾意釣啫,無話一定釣得叻o架!」是日「魚腳」陳文輝「抽水」道。

分享更多閱讀請至以下|南極冰洋磷蝦油|葉黃素|神經滋養物質|超視王|蜂王漿|智勝王|關鍵字排名|芙婷寶|PPLS|保健食品|健康食品|GOOGLE排名|維力康|台灣綠蜂膠|蜂王乳|網站排名|SEO|磷蝦油

發表迴響

你的電子郵件位址並不會被公開。 必要欄位標記為 *