我係「敢」煮:豬乸變上菜

我係「敢」煮:豬乸變上菜 2018年12月05日 17:00Tweet 東網電視更多新聞短片 俗稱豬乸菜嘅莙薘菜由於菜莖有多種顏色,故又有彩虹菜之稱。(互聯網) 我唔係大廚,亦無上過堂學過廚,只係由細幫手入廚煮飯,可以話係由細煮到大,兼因為做嘢接觸好多大廚,偷到唔少師,唔敢話煮餸好叻,但堅鍾意煮,又乜都敢煮敢試嘅現代港女。--------千祈咪諗錯,小妹講嘅係俗稱豬乸菜嘅莙薘菜,由於莙薘菜纖維粗、味帶甘澀,加上粗生,以前養豬戶愛混入豬餿作飼料,故有豬乸菜之名。其實莙薘菜都有個好靚嘅名字,就係彩虹菜,因為菜莖五顏六色,有白、紅、黃及紫,色彩繽紛而得名。莙薘菜仲有個富意頭嘅名字,就係官達菜,有升職加薪的好意頭。無論大家點稱呼莙薘菜,都唔會影響其營養,它蘊含豐富纖維及維他命A、C、K等,外國人更視之為Super Food添!話番轉頭,很多年輕一代包括小妹在內都很怕豬乸菜那陣獨特味道,愛吃嘅會覺得很香,不愛嘅會覺得很澀,情況似十足榴槤咁。原來有辦法辟去那陣澀味,令豬乸菜變美饌,方法好簡單,就係汆一汆水,炒時加點糖即可。另外,由於豬乸菜很索油,不少年長一輩會用肥豬肉起肥膏後煎出豬油後,爆香蒜後來炒,下點糖及鹽調味,最後放回豬油渣兜勻享用,簡單卻甘香美味。年輕人怕豬油,有個簡單又惹味嘅食譜,就係用一罐豆豉鯪魚嘞!首先將豬乸菜汆一汆水,爆香蒜頭下鑊炒香後加豆豉鯪魚炒勻,下少許糖兜勻即成,鹹香美味,超好下飯。

分享更多閱讀請至以下|芙婷寶|SEO|超視王|台灣綠蜂膠|PPLS|神經滋養物質|葉黃素|網站排名|保健食品|健康食品|關鍵字排名|蜂王乳|智勝王|磷蝦油|維力康|蜂王漿|GOOGLE排名|南極冰洋磷蝦油

發表迴響

你的電子郵件位址並不會被公開。 必要欄位標記為 *