IB攻略:英美頂尖大學對IB成績要求

IB攻略:英美頂尖大學對IB成績要求 2018年12月04日 13:00Tweet 東網電視更多新聞短片 今次筆者會分享大學名校對IB嘅要求,等大家有個預算。(互聯網) 筆者之前幾篇有關大學升學,都係着重比較專科嘅要求,相信有啲家長小朋友,未有決定之後讀邊科,但係又對全球名校非常有興趣。今次筆者會分享番大學名校對IB嘅要求,等大家心目中有個譜。【英國頂尖大學要求】IB課程由6科選科組成,每科嘅滿分係7分,另外3分由TOK(Theory of Knowlede) 同EE (Extended Essay)組成。英國頂尖大學對IB要求寫得都幾清楚,會講明IB總分要幾多,高等科目要幾多分,即刻睇吓英國劍橋,牛津,倫敦大學同埋倫敦商學院嘅IB收生要求啦!【劍橋大學】 Typical offer係IB 40-42分,高等科目要776,加埋Applicants may be required to achieve 7 in a particular subject(s), depending on individual circumstances. 意思即係如果你報數學系,數學高等一定要7分,如果化工,化學高等要求7分。【牛津大學】牛津大學最低收生要求可以IB 38分,高等科目666,比劍橋低些許。【倫敦大學UCL】通常Cut off IB成績係39分,高等科目總分19分或以上,即係766或775。不過某啲學系唔允許有5分嘅存在。【倫敦商學院(LSE)】澄清番,LSE唔等於UCL內嘅商科,係另一間大學嚟。最出名係法律、經濟科、政治科。收生通常係38分,766高等科目。以上英國IB都係參考數據,每年都會有改變,不過唔多。除咗IB成績外,英國都睇重Personal Statement個人陳述,唔係淨係分數就得。【美國頂尖大學要求】【IVY LEAGUES常春藤名校】美國其中一個最享負盛名嘅常春藤大學一定非YALE莫屬,美國前總統Bill Clinton同落選嘅Hillary都係耶魯畢業。但係美國所有大學係只會寫明SAT同ACT分數,基本上你係睇唔到IB幾多分嘅。但係如果你考IB 30,我都可以肯定你唔會入到。根據我哋教育中心經驗,通常最低係40-42分左右,先叫達標,當然仲要有Standardized test作為Back Up,即係佢哋嘅SAT或ACT分數。【UC System加州大學】加州大學,例如UCLA,UC Davis,UC Berkeley等,呢啲都係用UC System報嘅。UC Berkeley全球排頭30名,當然無常春藤咁勁,但係都非常出名,好多香港學生都夢寐以求報讀。IB成績要求通常係38分以上。不過筆者都係要再三提醒,美國報大學係非常複雜嘅過程,唔係齋睇分數,仲要睇埋你性格,同埋寫好多Essays,所以分數都係作參考用途。EdwardHKExcel IB Specialist共同創辦人,教育超過三千名IB學生拔萃男書院畢業生,英國高考取得5A成績曾獲邀到多間IB學校分享應試心得曾撰寫「IB攻略」在書展大賣

分享更多閱讀請至以下|超視王|PPLS|磷蝦油|葉黃素|蜂王乳|保健食品|蜂王漿|神經滋養物質|南極冰洋磷蝦油|健康食品|台灣綠蜂膠|網站排名|智勝王|關鍵字排名|芙婷寶|GOOGLE排名|維力康|SEO

發表迴響

你的電子郵件位址並不會被公開。 必要欄位標記為 *