古勝:氣氛好轉有利港交所

古勝:氣氛好轉有利港交所 2018年12月04日 00:02Tweet 東網電視更多新聞短片 港交所 古勝在東方產經「MARKET INSIGHT」專欄中表示,雖然中美貿易戰「暫時停火90日」的消息,對股市非百分之百正面,但既然有得炒,當然炒咗先算。恒指周一升2.5%報27,182點,國指則升2.4%報10,882點;滬綜指亦升2.5%報2,654點,牌面睇似乎唔錯,但究竟有冇伏?就真係要事後孔明。周一市況有幾點值得留意:首先,從內部睇,港股高開後即市再上動力唔係太強,惟主板成交確實增至1,296億元配合升勢,加上恒指重上100天線,為今年6月中以來首次,技術走勢偏好。其次,周一中移(00941)逆市跌2.9%報75.35元,似暗示有資金從防守性股份轉移至較具爆發力個股身上。再從外部睇,中美暫時休戰消息在周日公布,道指期貨喺亞洲時段升逾500點。不過,未知周一晚美國總統「侵侵」又有冇嘢發表,因為大家都知,「侵侵」一向反覆無常,當投資者愈係睇得好,佢又會唔會一個「華麗轉身」話唔算數,咁到時就真係考大家反應了!所以,咪話古勝唔提點大家,個市升就無話唔炒得,不過最緊要唔好過分進取,應嚴控注碼,萬一唔好彩中止蝕就要忍痛執行。策略上,周一資金主要湧入早前受貿易戰打擊較大的板塊,例如騰訊(00700)、出口股、航運股、手機設備股、內房股及金融股,未來能否有力製造全面上升漩渦,這個可能性不能抹殺,故已持貨者不妨睇長少少,等再升多浸先食胡。正如在下早前所言,今轉可能係好友年內最後的反攻機會,相信今次反彈浪唔會太短癮。至於當下仍手持淡倉重貨者,若見後市現整固,應趁機平倉,事關市場氣氛正在改變,港股短期內向上機會率始終較大,無謂同錢鬥氣。另一方面,俄羅斯與沙特阿拉伯早前同意將減產協議延至一九年,同時加拿大阿爾伯塔省早前下令減產,以緩解該國能源業危機,加上石油輸出國組織(OPEC)等產油國將於周四開會,市場普遍預期達成減產協議機會率都幾大,故刺激早前急跌一輪的國際油價反彈。不過,卡塔爾忽然宣布明年1月退出油組,令周四會議增添變數。「三桶油」周一受油價帶動,中石油(00857)、中海油(00883)及中石化(00386)股價升幅介乎3至3.9%,考慮到前兩者在上游資產佔比較大,對油價相對敏感,不妨作為博反彈之選。最後,港交所(00388)作為港股晴雨表,股價早前跌至低位200元樓下後率先帶領大市反彈,周一再升3%收報235元,10天及20天線先後上破50天及100天線,技術走勢向好,同時更受惠股市交投轉旺。如果無心水,不妨簡單啲買港交所,目標價245元,跌穿10天線228元止蝕。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|PPLS|台灣綠蜂膠|磷蝦油|芙婷寶|SEO|蜂王漿|網站排名|保健食品|健康食品|GOOGLE排名|神經滋養物質|關鍵字排名|智勝王|葉黃素|蜂王乳|南極冰洋磷蝦油|維力康|超視王

發表迴響

你的電子郵件位址並不會被公開。 必要欄位標記為 *