古勝:鎖定目標 吼位短炒

古勝:鎖定目標 吼位短炒 2018年12月03日 00:02Tweet 東網電視更多新聞短片 騰訊 古勝在東方產經「MARKET INSIGHT」專欄中表示,中美兩國元首食完餐飯後,在貿易戰議題上叫做取得共識,雖然仲未開花結果,但起碼雙方攞個「90日休戰牌」出來,畀時間大家作進一步磋商。投資市場氣氛短期將有一段時間稍為緩和,但能唔能夠愈升愈有,咁就真係好難講,因為到最後都要睇市場如何演釋相關消息。G20峰會及中美元首會面有關貿戰詳情就唔多講,事關詳情可睇番新聞版,反而關注資金點樣用真金白銀押注最實際。上周尾段中美元首會面未進行前,港股向上動力已見減弱,恒指上周五僅升55點,收報26,506點,國指則升36點報10,621點,主板成交增至1,040億元。內地方面,滬綜指升20點報2,588點,睇落都有部分較勇資金押注睇好。至於美股周五晚亦「未卜先知」升定先,三大指數皆向上,道指升199點報25,538點,連近期最弱的納指都升57點報7,330點。睇番港股近月走勢其實都有改善,若以整個11月計,恒指全月累漲1,527點或6.1%,結束連跌六個月之頹勢;國指則累漲483點或4.7%。從月線圖觀察,恒指11月呈現近幾個月少見之陽燭,只要12月能夠再彈多1,300點左右,則恒指第四季將扭轉前兩季之下跌勢頭,中線走勢進一步轉強。上周四及五市場觀望氣氛確係濃,尤其於G20峰會前多隻等候「審判」的出口股,又或美國業務佔比較重的個股走勢皆偏弱,利豐(00494)、敏華控股(01999)、萬洲國際(00288)及創科實業(00669)分別逆市跌0.5至2.4%不等。咁又難怪,相關板塊未來前景真係好睇中美傾成點,在風險面前先避其鋒好正常。不過,如今「休戰牌」出場,之前跌得最多,插得最深的個股及板塊反而最有留意價值。除上述股份,早前受影響的航運及港口、科技及汽車股全部都值得納入觀察名單。反之,早前市場炒中央或力谷內需股,以應對中美貿戰,奈何板塊表現參差,亦唔算炒得起,在如今情況下相信就更難炒上。部署上,如果未有買貨心水選擇,又或者懶得去分析,咁正如古勝早前提過,直接買主要權重股就最慳水慳力。皆因市場氣氛好轉,指數要向上,權重股必然有運行。騰訊控股(00700)作為今轉帶動港股反彈的主要火車頭,後市彈力有機會優於市場預期,仍可逢低吸納。另外,金融股如建設銀行(00939)、滙豐控股(00005)及友邦保險(01299)等股價近期走勢好轉,普遍已經或快將破位而上,短線順勢跟進,博行一轉反彈浪亦不失為簡單策略之一。當然,若市場風向突然轉向,先定股價跌穿20天線為止蝕位,亦可當買個保險,咁落場就安心得多啦!─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|磷蝦油|芙婷寶|關鍵字排名|智勝王|神經滋養物質|南極冰洋磷蝦油|蜂王乳|健康食品|SEO|保健食品|台灣綠蜂膠|GOOGLE排名|超視王|葉黃素|維力康|網站排名|蜂王漿|PPLS

發表迴響

你的電子郵件位址並不會被公開。 必要欄位標記為 *