【有片】球壇再現食人魔 前紅軍球星變點心

【有片】球壇再現食人魔 前紅軍球星變點心 2018年11月29日 13:01Tweet 東網電視更多新聞短片 蘇亞雷斯「食人病毒」蔓延!周四(29號)英冠史篤城主場對打比郡,再度發生「蘇亞雷斯式」咬人事件,打比郡中場巴特利莊臣喺一次衝突入面,發狂咬向史篤城球星祖阿倫右邊膊頭!雖然球證當時只係出示一面黃牌,不過英格蘭足總正調查事件,唔排除會向佢作出長期停賽處分。今場賽事去到33分鐘,史篤城中場伊迪保因粗野犯規食紅牌,事件引發兩隊球員衝突,巴特利莊臣就最激動,佢竟然當住球證面前,攬實祖阿倫兼咬落去膊頭位置,影片所見祖阿倫件波衫都畀佢咬實「扯起」,要其他球員加入先至將佢哋分開,場面同蘇亞雷斯喺2014年世界盃決賽周咬基亞連尼如出一轍。史篤城最後贏2比1,領隊路維特就企圖淡化事件:「我哋冇打算作出投訴,我同祖阿倫傾過,佢話問題唔大,雖然望落好肉酸,但只係呢場衝突入面嘅小插曲。」巴特利莊臣只係被罰黃牌,不過打比郡領隊林柏特擔心佢再「病發」,半場已經將佢換走,英國傳媒更指足總好可能秋後算帳,判佢長期停賽。「咬人王」蘇亞雷斯喺2013年4月,曾經喺英超怒咬車路士球員伊雲洛域手臂,當時祖阿倫就同蘇亞雷斯做隊友(咬人賽事冇份落場),而打比郡領隊林柏特,當年又係伊雲洛域嘅車路士隊友,2人今次再親眼見證咬人事件發生,認真巧合。東網體育FB同你追實體壇每個精彩時刻!http://bit.ly/2ecTF2A 支持本地運動員,一齊去「睇體」!https://bit.ly/2DxX4XI 

分享更多閱讀請至以下|智勝王|南極冰洋磷蝦油|健康食品|神經滋養物質|葉黃素|蜂王乳|網站排名|SEO|磷蝦油|維力康|超視王|蜂王漿|關鍵字排名|GOOGLE排名|芙婷寶|PPLS|台灣綠蜂膠|保健食品

發表迴響

你的電子郵件位址並不會被公開。 必要欄位標記為 *