總結:邊個可以拒絕湖人同大帝

總結:邊個可以拒絕湖人同大帝 2018年11月28日 13:16Tweet 東網電視更多新聞短片 勒邦占士得14分、7個籃板同2次助攻。(美聯社圖片) 湖人喺NBA作客以85:117慘負金塊,勒邦占士罕有低迷得14分,而且慘敗背後,有關湖人增兵嘅消息愈傳愈多,除咗喺出年招攬杜蘭特或者奇利湯臣,報道仲話,佢哋有可能喺今季羅致安東尼戴維斯或者比爾添!賽前勒邦占士自爆金塊老板喺今個夏天,幾次邀請佢加盟,結果大帝喺第1節攻入10分後離奇失準,全場15投得5中,包括3分4次起手炒晒,只得14分、7個籃板同2次助攻,導致湖人連輸2場。相反,米沙比有20分、11個籃板同2次助攻,帶領金塊4連勝。原本有消息話,湖人高層對今季冇咩期望,寧願儲足彈藥喺出年招攬頂級球星輔助大帝,例如係勇士嘅杜蘭特或者奇利湯臣,不過隨住勇士同火箭失準,西岸形勢超亂,據講湖人又想氹塘鵝嘅安東尼戴維斯或者巫師嘅比爾加盟,實行搶番張季後賽入場券再算。洛杉磯星光係湖人輝煌歷史外嘅巨大吸引力,好多球星都想去LA發展,而且湖人喺勒邦占士加盟後,已具備重建王朝嘅基礎,假如佢哋真係郁手,現時聯盟冇太多人可以拒絕轉會,相信杜蘭特、奇利湯臣、安東尼戴維斯同比爾都唔會。同日,速龍作客以122:114擊倒灰熊,路維有24分、2個籃板同6次助攻,加上李安納有17分、10個籃板同5次助攻,協助速龍完成6連勝,難怪勇士嘅奇利湯臣貼佢哋入總決賽。另一方面,馬克加素有27分、4個籃板同4次助攻,可惜阻唔到灰熊3連敗。最新賽果(左方主場)活塞 115:108 紐約人熱火 113:115 鷹隊灰熊 114:122 速龍金塊 117:85 湖人太陽 104:109 溜馬支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|健康食品|網站排名|PPLS|SEO|保健食品|葉黃素|GOOGLE排名|台灣綠蜂膠|神經滋養物質|關鍵字排名|蜂王漿|超視王|蜂王乳|維力康|智勝王|南極冰洋磷蝦油|磷蝦油|芙婷寶

發表迴響

你的電子郵件位址並不會被公開。 必要欄位標記為 *