古勝:內需食品股撈唔過

古勝:內需食品股撈唔過 2018年11月28日 00:02Tweet 東網電視更多新聞短片 食品股業績令市場失望。(中新社圖片) 古勝在東方產經「MARKET INSIGHT」專欄中表示,當大家都以為在G20峰會召開前港股會好悶,豈料騰訊(00700)繼續行運,周二上破300元關口後頭也不回,最終更以近全日高位收市,報303.8元,升1.9%,貢獻恒指48點,睇落佢上破及企穩50天線後真係有番啲睇頭。雖然早兩日齊齊撐起大市的國際金融股、中資金融股及本地地產股,上升動力見減弱,但除騰訊外,就連早前股價級級落的手機設備股氣氛都見改善,「手機孖寶」舜宇光學(02382)及瑞聲科技(02018)股價分別升2.5%及2.9%,成功佔據藍籌升幅榜頭兩位。唔通美國科技股真係跌完?定係蘋果公司有好消息?其實統統都唔係,股價做好只因兩個字──氣氛。經歷早前急跌後,舜宇及瑞聲近日走勢皆有喘穩的迹象。現價往績市盈率分別約22倍及10倍,雖然唔算好平,但短線跟大市彈一彈都唔出奇,值得放入觀察名單。如果本周仍然愈升愈有,不妨順勢上車,目標價可先睇50天線分別約79.4元及66元,穿近期低位68元及49元則止蝕。雖然話就話成交唔算太配合,不過除大價股外,近期部分新股表現都唔錯。其中「有食力」的新股就更加跌唔落,好似在內地做線上旅遊平台,兼與主要股東騰訊關係緊密的同程藝龍(00780),周二股價先低後高,最終升1.7%收報12.62元,拋離招股價9.8元愈來愈遠。睇落集團上市時機唔錯,加上定價唔算進取,畀到啲水位入市,有機會跟住「大佬」搵食。另外,能夠整個板塊逆市上升的實在唔多見,反之食品股周二跌得幾驚嚇,事關康師傅控股(00322)第3季業績出爐後,被大行齊聲唱淡,股價最終大瀉17.7%。就算集團績後表明會改變策略,明年將重心從盈利擴張轉為爭奪市場份額,但就唔單止救唔到股價,仲累埋同業統一企業(00220)跌埋一份,下挫12.5%,真係累街坊。老實講,投資者睇完康師傅份業績,又真係好難唔沽,事關集團第3季收入佔比最高的飲品類銷售額按年跌6.5%,佔比第二高的即食麵銷售僅升0.66%,兩者都比上半年失色。加上早前市場炒低端消費時,佢又炒唔起,再考慮到未來要加強推廣及投入更多銷售費用去搶市佔率,行業競爭加劇及市場策略效果成疑,都為集團以至行業經營環境帶來不明朗因素,短中期都係唔好多手!最後,考慮到港股近日成交唔算好大,加上暫時睇今轉升市好靠騰訊領軍,萬一再度轉弱,大市一樣可以跌得好甘,所以在G20期間中美元首會面有結果前,都係細細注短炒為上,最重要策略要靈活變通,有乜風吹草動就埋單計數走人,千祈咪磨爛席。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|南極冰洋磷蝦油|關鍵字排名|磷蝦油|台灣綠蜂膠|維力康|蜂王乳|智勝王|神經滋養物質|蜂王漿|PPLS|GOOGLE排名|SEO|健康食品|芙婷寶|保健食品|網站排名|超視王|葉黃素

發表迴響

你的電子郵件位址並不會被公開。 必要欄位標記為 *