世紀騙局!愛爾蘭球會老屈球員「炒車死」

世紀騙局!愛爾蘭球會老屈球員「炒車死」 2018年11月28日 14:00Tweet 東網電視更多新聞短片 為咗取消一場比賽,你可以去到幾盡?近日愛爾蘭球壇上演一幕「足球史上最大騙局」,當地第3級聯賽球會巴利布萊克(Ballybrack FC)喺上周六聯賽前,宣布陣中西班牙小將費蘭度因為遇上交通意外不幸身亡,賽會隨即宣布賽事取消,其餘球賽舉行前亦進行默哀儀式,連傳媒亦有報道,點知……費蘭度原來乜事都冇,成個故仔都係老作出嚟!巴利布萊克上周六對阿克勞城(Arklow Town)前,官方宣布陣中西班牙球員費蘭度,喺上星期四晚練波返屋企途中,不幸遇上交通意外過身,消息傳出後震驚當地球壇,聯賽會、各大球會同球員都紛紛哀悼,聯賽會甚至喺當地報紙刊登悼文,而且呢場聯賽取消之外,其他賽事開波前都舉行默哀儀式,球員齊齊戴上黑紗比賽,愛爾蘭球壇一遍愁雲慘霧。勢估唔到,事態第二日出現180度轉變,聯賽會主席摩倫表示同巴利布萊克失聯,而且發現費蘭度仍然在生,消息指佢4個星期前已經飛返家鄉西班牙!巴利布萊克之後就發出道歉聲明,承認成個騙局係「有人判斷錯誤」,而涉案人士已經被炒魷,形容老作球員過身係「唔能夠接受嘅犯錯」。巴利布萊克策動呢個騙局嘅動機仍然未明,據報佢哋係希望將周六賽事取消,但係點解想取消就有待調查。聯賽會主席莫倫表示:「成件事唯一一個好消息,係費蘭度安然無恙。為咗取消比賽而咁做實在難以置信,我哋內部紀律委員會調查後,會向球會作出適當處分。」東網體育FB同你追實體壇每個精彩時刻!http://bit.ly/2ecTF2A 支持本地運動員,一齊去「睇體」!https://bit.ly/2DxX4XI 

分享更多閱讀請至以下|健康食品|蜂王漿|網站排名|SEO|GOOGLE排名|PPLS|磷蝦油|保健食品|關鍵字排名|超視王|台灣綠蜂膠|智勝王|南極冰洋磷蝦油|葉黃素|蜂王乳|維力康|芙婷寶|神經滋養物質

發表迴響

你的電子郵件位址並不會被公開。 必要欄位標記為 *