總結:透點太激?76人球迷唔想佢入場

總結:透點太激?76人球迷唔想佢入場 2018年11月26日 13:07Tweet 東網電視更多新聞短片 施蒙斯(左圖左)同女友Kendall Jenner成為新聞人物。(互聯網) 76人喺NBA作客以127:125險勝籃網,占美畢拿攻入34分,包括完場前射入致勝3分,協助76人最多落後20分下完成逆轉,不過佢哋喺球場外有麻煩,球迷不滿施蒙斯女友Kendall Jenner太放盪,行紅地氈都真空透點,發起抗議要求禁止佢入場睇波!開波冇耐76人已落後,到第4節,艾賓特同占美畢拿聯手展開反擊,完場前2.3秒,占美畢拿射入致勝3分,最後佢全場有34分、12個籃板同2次助攻,離開木狼後開始融入新球隊,至於艾賓特就有32分、12個籃板同4次助攻,同樣抵讚。相反,施蒙斯得13分、5個籃板同9次助攻,唔算打得特別好,球迷仲擔心,佢會被女友帶壞冇心機比賽,因為Kendall Jenner出名放盪,緋聞多到數唔晒,佢唔止喺Instagram上載舉中指、凸點同透點嘅相,連行紅地氈都真空透點任人睇!正因為咁,有76人粉絲發起請願,要求禁止Kendall Jenner去76人主場睇波,暫時有超過2,800個球迷響應,目的係希望施蒙斯專心打波,同埋避免球會形象受到拖累,唔知Kendall Jenner會唔會識做,選擇自動消失呢?同日,湖人喺主場以104:108不敵魔術,勒邦占士取得24分、4個籃板同7次助攻,不過佢部分時間要客串打中鋒,正負值係全場最低嘅-14,阻唔到湖人3連勝結束。至於熱火作客以115:125不敵速龍,韋迪後備上陣有35分、5個籃板同6次助攻都冇用。最新賽果(左方主場)湖人 104:108 魔術活塞 118:107 太陽鷹隊 124:123 黃蜂籃網 125:127 76人速龍 125:115 熱火灰熊 98:103 紐約人帝王 112:133 爵士拓荒者 100:104 快艇支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|台灣綠蜂膠|蜂王漿|芙婷寶|葉黃素|超視王|關鍵字排名|蜂王乳|智勝王|保健食品|SEO|神經滋養物質|維力康|健康食品|GOOGLE排名|網站排名|PPLS|南極冰洋磷蝦油|磷蝦油

發表迴響

你的電子郵件位址並不會被公開。 必要欄位標記為 *