古勝:公用股隨時有起「息」

古勝:公用股隨時有起「息」 2018年11月26日 00:02Tweet 東網電視更多新聞短片 公用股如煤氣,吸引力有望回升。 古勝在東方產經「MARKET INSIGHT」專欄中表示,港股上周五相當淡靜,全日主板成交得595億元,恒指高低波幅僅176點,最終跌91點報25,927點,想炒即市真係寧願去瞓陣。全周計數,恒指累跌255點或約1%,國指全周累跌195點或1.8%,國指相對弱少少。事實上,資金短期「龜縮」都好合理,上周四美股感恩節無市,周五得半日市,加上中美元首G20峰會的會談結果根本無得估,尤其是市場氣氛初現回暖之際,又傳出美國正游說盟友擬封殺華為,並考慮避免使用中國製造的電訊設備,為貿易戰再起新波濤。咁投資者都睇唔通,不如離場好過,留喺魚缸等發霉咩!靜市要突圍唔易,上周五只係見部分周四已經起動的燃氣股逆市升,其他板塊多數跟住大市下跌。最慘係好友早前幾經辛苦先推到騰訊(00700)上返50天線,不過得一日貨仔又再得而復失,似乎50天線阻力並非浪得虛名,後市股價唔上破兼企穩50天線兩三日,似乎都係博唔過。此外,近年「聖誕鐘買滙豐」呢支歌仔冇乜人唱,即使滙豐控股(00005)受惠美國加息周期有利淨息差擴闊,不過同樣受住中美貿戰及環球經濟增長放緩等不明朗因素拖累。睇番走勢,滙控股價近期窄幅上落,暫時又係受制於50天線約66元阻力,短期同樣要睇定啲先。市況淡靜,預期資金短線或先泊番去早前跟隨大市回落的公用股及收息股身上。咁又難怪,一來市場轉炒美國加息隨時降速甚至暫停加息,在美息與公用股息率短期內未再進一步擴闊下,後者自然有番吸引力;二來美國五大科技股「見熊」,避險意識上升;加上貿易戰前途未卜,同樣增加資金短泊收息股作避風港之需求。策略上,如果要押注,當然亦要篩選一下。中電控股(00002)、中華煤氣(00003)及電能實業(00006)唔係唔好,不過就少咗炒作話題;領展(00823)業務穩建,但考慮到早前累升唔少,加上7月開始營造的圓頂形態都幾明顯,唔上返去78元都係唔使留意住。相對地,擁供港東江水業務,又有巨額現金在手的粵海投資(00270)為隸屬廣東省國資委的粵海控股在港上市旗艦,真正底子厚,加上股價走勢屬悶聲發大財格局,跟進價值較大。集團截至今年9月底止九個月收入99.51億元,按年增加9.4%,在投資物業公平值大減下,淨利潤42.26億元,按年減少約14%。估值方面,現價往績市盈率約16倍,息率3.2厘,集團手頭現金充俗,獨家經營的東江水業務提供穩定現金流,防守力不言而喻,所以股價年內能逆市突圍,絕非無的放矢。走勢上,粵投股價自年初至今反覆向上,每次跌到落100天線(現約13.6元)皆見承接力。惟港股處身熊市下,高追就唔建議,可留意候低吸納機會,目標價16元,跌穿200天線約13元止蝕。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|網站排名|芙婷寶|磷蝦油|蜂王乳|健康食品|葉黃素|關鍵字排名|PPLS|蜂王漿|保健食品|神經滋養物質|智勝王|超視王|維力康|南極冰洋磷蝦油|SEO|GOOGLE排名|台灣綠蜂膠

發表迴響

你的電子郵件位址並不會被公開。 必要欄位標記為 *