【人物誌】杜根挑機!全面超越大佬

【人物誌】杜根挑機!全面超越大佬 2018年11月26日 16:20Tweet 東網電視更多新聞短片 (Getty Images) 夏薩特一門三傑,現時三兄弟都係職業球員,當中以大佬夏薩特、二佬杜根夏薩特最Sharp醒。兩人6年前一齊加盟車路士,「大夏」從此走上球星之路,被譽為僅於美斯、C朗之後嘅足球強人。當年杜根仔只係多得大佬帶挈一齊上「車」,未曾為車仔上陣,已經被外借,其中4年前被借去德甲慕遜加柏,造就佢茁壯成長,今季演出甚至已拍得住「大夏」。25歲嘅杜根仔比「大夏」細2歲,由於大佬成名早,並一路處於強勢,令佢活喺對方陰影之下,直至離開車仔,先至有自己一片天空。杜根夏薩特2014/15年球季以借用身份為慕遜加柏效力,當時仍然太幼嫩,演出平平無奇。有心唔怕遅,上季終於大爆發,喺德甲踢足34場入10球,今季勢頭更強勁,喺聯賽已轟入8球及5次助攻,數據上仲叻過「大夏」喺英超嘅7個入球及4次助攻,慕遜加柏亦殺上德甲第2位,亦高過車路士喺英超嘅第4位。當然兩個聯賽唔可以直接比較,但無可否認,杜根進步神速,大有趕上大佬嘅趨勢,甚至已具備重返英超大球會嘅級數。兩兄弟都係司職進攻中場,現時於球會都係着10號,無可避免將上演一場兄弟暗戰,爭奪「最強夏薩特」名號。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 

分享更多閱讀請至以下|PPLS|蜂王漿|台灣綠蜂膠|葉黃素|南極冰洋磷蝦油|超視王|GOOGLE排名|蜂王乳|神經滋養物質|維力康|磷蝦油|智勝王|保健食品|健康食品|芙婷寶|網站排名|關鍵字排名|SEO

發表迴響

你的電子郵件位址並不會被公開。 必要欄位標記為 *