古勝:中資航空股負面因素淡化

古勝:中資航空股負面因素淡化 2018年11月22日 00:02Tweet 東網電視更多新聞短片 中資航空股。(美聯社圖片) 古勝在東方產經「MARKET INSIGHT」專欄中表示,美股連插兩日,以為港股周三都係無運行,豈料港股低開高走,唔跟美股跌,恒指全日波幅逾500點,最終升131點報25,971點,國指則升19點報10,486點,主板成交得782億元。近期港股都幾難炒,就單睇隻騰訊控股(00700)就知。早前受國策影響「深潛」一輪後,騰訊股價10月尾跟隨大市抽過上300元樓上見303.8元,但之後就再次回軟落番去260元,近期只係在260至300元水平上落,未見大方向。從宏觀面睇,如果港股要再上,權重股騰訊必須要有番多少動力先得。從日線圖睇周三破腳穿頭,確係近期少見之象。不過,現價維持在上落區內,加上今期美股專攻擊高估值科技股,騰訊係咪可以獨善其身,咁就真係估唔到。此外,如港股要更上一層樓,除騰訊外亦要借助一眾中資及國際金融股回勇。睇睇滙豐控股(00005)、友邦保險(01299)、建設銀行(00939)及中國平安保險(02318)近期走勢確係有所改善,起碼十一月的低位暫時仍較十月低位為高,這是近幾個月少見之象(當然,今個月仲有七個交易日),所以港股周三未有再跟美股跌,其實都算有迹可尋。中美貿易戰能否在G20峰會上有轉機,係未來港股關鍵,惟從美國總統「侵侵」打開口牌放過沙特一事上可見,「侵侵」作為一個商家出身,在利益關係前真係講乜都係假。如果再將此思維放在美國經濟上,今次油價下跌亦明顯係益一益自己,事關油價回落對減慢通脹增速有直接影響,並間接拖慢聯儲局加息速度,且美國企業面對息口上升之嚴峻考驗亦自然有所紓緩。當然,今轉油價回落,在港股上最傷的自然係石油股,而受惠的則為航空股。石油股原本沒有太多不利因素,不過「侵侵」出到聲話要油價跌,咁石油股自然要跟,「三桶油」股價周三跌幅介乎1至2.4%不等,其中以對油價最敏感的中海油(00883)跌得最甘,跌2.4%收報12.72元。雖然高盛最新的研究報告指,早前參加中海油在珠海舉行的實地考察,對集團定位更為樂觀,主因集團的天然氣利潤增加,在南海的儲量及產量均有實質增長。該行又認為,油價下跌令股價回調,提供了買入機會,維持其「買入」評級,目標價16.1元。不過,集團股價自十月開始每況愈下係事實,前景未明下,都係無謂接跌下來的刀。相對地,三大中資航空股早前受累人仔下跌以及油價急升所影響,股價以反覆向下為主,惟這兩大因素近期已見改變,股價未來能唔能夠重新振作就未知,但係都可以攞番出嚟望兩眼,睇睇後市有冇轉勢先再作部署。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|芙婷寶|保健食品|健康食品|網站排名|智勝王|維力康|葉黃素|關鍵字排名|台灣綠蜂膠|蜂王乳|南極冰洋磷蝦油|GOOGLE排名|磷蝦油|蜂王漿|超視王|PPLS|SEO|神經滋養物質

發表迴響

你的電子郵件位址並不會被公開。 必要欄位標記為 *