【有片】球星喎!迪利阿里搲著數大鬧酒店

【有片】球星喎!迪利阿里搲著數大鬧酒店 2018年11月21日 12:27Tweet 東網電視更多新聞短片 英格蘭國家隊啱啱殺入歐國聯4強,繼世界盃拎到殿軍後再有好成績,一班國腳當然畀球迷捧做國家英雄啦!不過,踢波叻就唔代表人品好,英格蘭中場主將迪利阿里日前就被影到為咗搲著數,大鬧倫敦一間酒店,有網民「大讚」迪利亞里展示出嘅霸氣,可以「媲美」近日爆紅嘅內地「換BRA大媽」呀!根據片段所見,當時迪利阿里同英格蘭隊友巴克里喺5星級酒店The May Fair大堂,效力熱刺嘅迪利阿里好激動咁喺大堂同職員爭論,而且惡形惡相咁破口大罵,非常失禮。據報拍片人係酒店住客,亦係佢向英國《太陽報》爆料,佢指當時已經係凌晨5點,唔少旅客見到呢個場面都為之側目。據報迪利阿里今次發火鬧職員,其實係想「搲著數」,要求酒店Upgrade佢哋入住價值3,000英鎊一晚嘅總統套房,影片收錄得迪利阿里憤怒爆粗:「你覺得我會接受呢啲XX?你依家諗住點X樣先?」拍片者亦邊偷拍邊講:「巴克里同迪利阿里,好肉酸、超級肉酸!呢啲就係英格蘭國腳、呢啲就係青少年嘅模範,睇下幾失禮!」公道啲講,巴克里全程企係側邊冇出聲,似乎都覺得唔好意思,至於《太陽報》就向酒店職員查問,有職員透露:「佢哋想帶好多朋友入酒店,但係房間共容許2個人入住,所以佢哋就話要搬去總統套房。迪利阿里愈講愈失控同情緒激動,職員都畀佢嚇親!」東網體育FB同你追實體壇每個精彩時刻!http://bit.ly/2ecTF2A 支持本地運動員,一齊去「睇體」!https://bit.ly/2DxX4XI 

分享更多閱讀請至以下|磷蝦油|蜂王乳|健康食品|智勝王|關鍵字排名|網站排名|SEO|南極冰洋磷蝦油|葉黃素|神經滋養物質|GOOGLE排名|保健食品|維力康|PPLS|超視王|蜂王漿|芙婷寶|台灣綠蜂膠

發表迴響

你的電子郵件位址並不會被公開。 必要欄位標記為 *