古勝:傾向揸現金 防守股走樣

古勝:傾向揸現金 防守股走樣 2018年11月08日 00:02Tweet 東網電視更多新聞短片 煤氣 古勝在東方產經「MARKET INSIGHT」專欄中表示,環球股市周三主要受美國中期選舉結果左右,最終民主黨重奪眾議院控制權,而共和黨則守住參議院控制權。恒指周三先升後跌,最終升26點報26,147點,國指升8點報10,641點,主板成交973億元。美國總統「侵侵」所屬的共和黨失去眾議院控制權,雖然會減低未來施政暢順度,但只要一日在位,相信中美貿易戰都唔會咁易打完。同時,共和黨獨攬白宮與國會兩院大權的時代終結,令市場對美國未來施政的可預測性降低,對投資市場其實增添多一重不明朗因素。周三港股以至亞太區股市午後都回軟,但道指期貨就做好,皆因美匯指數向下。其實喺「侵侵」任期內,無論環球經濟係升定跌,在美國息口持續上升下,確實睇唔到資金會停止流入美元資產的可能性,故未來美股應可延續跑贏環球大市之勢。反之港股在中央對人仔匯價「守七」意志消沉下,就算可以再彈,再上空間都唔見得特別多。睇番近兩日港股雖然觀望氣氛甚濃,但資金總要搵啲嘢炒,其中醫藥相關股就有番些少起色。好似勵晶太平洋(00575)及希瑪眼科(03309)全日分別升16%及14.7%,真係叻過唔少大藍籌。不過,上述兩隻股份估值唔平,忽然受捧都係因為板塊氣氛回暖,以及大市基本上無乜好炒,所以資金先湧入板塊短炒一轉。好似希瑪炒上主因是近期集團港股通持股佔比明顯上升,反映升勢係由北水帶動。不過,現價5.85元與今年1月「暴炒價」高位19.9元仍相差幾丈遠,上面成批蟹貨等住沽,而且集團上半年少賺52%至1,202萬元,現價往績市盈率高達112倍,無論從邊一個方面睇,亦好難買得落手。至於勵晶太平洋,就係靠成功在香港註冊用作治療早洩的藥物Fortacin而炒上,不過始終要有盈利貢獻需時,股價即市高見0.355元,惟尾市升幅已收窄至16%報0.325元,9日RSI高見86進入超買區,技術上調整風險機會大。所以計落如果唔係早兩日買落,而係家陣先去追買上述兩股,都幾大機會落得接火棒下場!最後,有一點值得留意,早前港股反覆下跌之時,部分防守股或傳統收息公用股都發揮唔錯避險作用,就算唔升,起碼跌少過大市。不過,近月見中電控股(00002)、中華煤氣(00003)、恒生銀行(00011)及領展房產基金(00823)等都開始走樣,似反映市場上部分避險資金已轉為選擇增持現金比重,而唔再係追捧防守類股,故未來港股若再現大跌市,奉勸大家寧願跟大隊揸現金,以免從一個火坑跌落另一個火坑。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|蜂王漿|PPLS|維力康|關鍵字排名|蜂王乳|健康食品|SEO|超視王|GOOGLE排名|南極冰洋磷蝦油|智勝王|保健食品|芙婷寶|磷蝦油|台灣綠蜂膠|神經滋養物質|網站排名|葉黃素

發表迴響

你的電子郵件位址並不會被公開。 必要欄位標記為 *