古勝:中海油短線有追落後空間

古勝:中海油短線有追落後空間 2018年11月07日 00:02Tweet 東網電視更多新聞短片 中海油。(美聯社圖片) 古勝在東方產經「MARKET INSIGHT」專欄中表示,美國中期選舉有結果前,周二港股繼續牛皮,如果唔計臨尾個零鐘,恒指大部分時間得百多點波幅,再睇埋主板成交剛剛夠8字頭,睇落好淡雙方在此等大事前都唔敢輕舉妄動。從時序作分析,喺美國中期選舉後,聯儲局周五公布議息結果。雖然全世界都知會等到12月先加息,不過事實係,美元暫時息率已高於傳統高息貨幣澳紐元,未來美國加唔加息已經唔係最重要,反而在中美貿易戰影響下,實體經濟承唔承受到加息速度比預期快的衝擊,對後市發展更為重要。睇番美股近兩日表現,似乎好番些少,但要留意的是,作為早前領跌大市的科技股根本未有好過。尤其是美國總統「侵侵」表明要調查Facebook、Google母公司及亞馬遜等公司有否壟斷,且蘋果公司上周公布業績後股價連插兩日,市場亦憂慮iPhone未來銷情,睇怕未來板塊壞消息隨時陸續有來,咁香港上市的科技股又點會唔前路茫茫。講真,蘋果公司「頭暈」,兩隻飲蘋果奶水大的手機設備股自然要「身㷫」。舜宇光學(02382)及瑞聲科技(02018)周二分別跌3.8%及3.4%,兩者皆跑輸大市,就算從估值睇,兩者往績市盈率分別為22倍及11倍,瑞聲睇落似幾吸引,但考慮到近期大行開始調低蘋果公司目標價,加上瑞聲周四公布第三季業績,如果屆時業績唔對路,相信大行隨時又踩多腳,似乎都係睇定啲先好!相對上,騰訊(00700)都唔知係咪之前跌得太甘,周二跌幅相對溫和,但要留意之前反彈係以上升裂口咁抽升,反彈得來比較虛,如果後市有乜風吹草動,嗰兩三個下跌裂口可以好快補番晒。另外,大行繼續下調騰訊目標價,美銀美林就下調目標價至422元,維持「買入」評級,以反映2018至2020年收入預測下調2至5%的影響;麥格理則預期騰訊第三季高毛利業務增長放緩,故將其目標價下調至520元,評級則為「跑贏大市」。策略上,集團基本面未見改善,以至整體市場氣氛一般下,短期都係唔買得住。不過,就算唔買佢,投資者都可以將佢作為市場風向儀,事關大市夠唔夠鑊氣炒上,其實都仲係好睇佢!至於其他重磅股普遍唔多夠力再上,但「三桶油」就除外,周二升幅介乎1.8至2.8%,主因是美國已啟動對伊朗實施制裁,在全球石油供應未來轉趨緊張下,相信今年餘下時間油價都係易升難跌。睇番「三桶油」中,以中石油(00857)及中海油(00883)的上游業務佔比較大,對油價相對敏感,兩者中又以中海油近期股價起步較遲,可作為追落後之選,目標價睇前高位約15.7元,跌穿12.9元止蝕。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|磷蝦油|葉黃素|關鍵字排名|蜂王漿|神經滋養物質|台灣綠蜂膠|維力康|智勝王|超視王|SEO|保健食品|蜂王乳|PPLS|健康食品|網站排名|南極冰洋磷蝦油|芙婷寶|GOOGLE排名

發表迴響

你的電子郵件位址並不會被公開。 必要欄位標記為 *