【人物誌】紅星入波功臣兼職電工同看鋪

【人物誌】紅星入波功臣兼職電工同看鋪 2018年11月07日 14:24Tweet 東網電視更多新聞短片 (法新社圖片) 只要有心,人人都是食神,依家可能要改口:只要有心,人人都係可以係歐聯射手。周三(7日)凌晨歐聯,貝爾格萊德紅星爆冷以2:0擊敗利物浦,包辦兩個入波嘅柏夫高夫,一夜成名。呢位身高1米93嘅大隻佬,原來平時仲要做兼職電工,又要幫屋企看住間雜貨鋪,依家搖身一變為超級射手,果然係高手在民間。柏夫高夫今場先利用身高頂入,跟住離門三十幾碼勁射破網,令紅軍兩位天價防線球星,中堅華基爾雲迪積克同門將艾利臣比加都變晒布景板。呢位名不經傳嘅24歲塞爾維亞,立即人氣急升,成為網民及傳媒起底目標。原來柏夫高夫上年1月由另一支塞爾維亞球隊尼斯拉德尼基轉投紅星,轉會費只係30萬歐元,期間被外借返尼斯拉德尼基,佢大踢爭氣波,上季聯賽上陣33場入23球,紅星今季立即收番佢自用。柏夫高夫不負所望,今季聯賽上陣10次入5球,佢上兩場歐聯都係後備上陣,至直今場先至首次擔正,立即做齣好戲。最估佢唔到係柏夫高夫,平時仲要做兼職電工,據聞手勢唔錯,有時亦要去爸爸嘅雜貨鋪幫手。雖然生活逼人,但都無阻柏夫高夫嘅足球夢,經此一役之後,相信佢將會成為大球會追逐目標,名利勢必隨之而來,總算守得雲開。東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 

分享更多閱讀請至以下|神經滋養物質|PPLS|網站排名|台灣綠蜂膠|蜂王乳|維力康|智勝王|關鍵字排名|健康食品|SEO|芙婷寶|磷蝦油|GOOGLE排名|超視王|南極冰洋磷蝦油|蜂王漿|保健食品|葉黃素

發表迴響

你的電子郵件位址並不會被公開。 必要欄位標記為 *