【有片】係愛呀!呢位射手入波後求婚成功

【有片】係愛呀!呢位射手入波後求婚成功 2018年10月31日 07:11Tweet 東網電視更多新聞短片 (互聯網) 李城空難、皇馬換帥、球員遭酷刑殺害,近期外國波新聞令人心情沉重,搵單智利聯賽嘅球場喜事同大家分享吓!剛過去周日智甲有場比賽,由維拿迪馬愛華頓對安圖法加斯達,效力客隊嘅委內瑞拉國腳貝洛(Eduard Bello),入波後走上看台向女友求婚成功,整個過程被拍下,成為網絡熱話。香港馬拉松都有跑手過終點後求婚,通常會現場公關夾一夾,等攝影師同記者影番夠本,但係足球比賽難度就高好多,首先你要有把握入波,而貝洛就好犀利,開波兩分鐘就攻入一球,跟住佢走向場邊,大家以為佢慶祝入波,點知突然手拿鑽戒,走上看台女友身前跪地求婚,全個看台嘅球迷都為佢鼓掌,佢女友亦當場答應。貝洛獲得愛情嘅力量,今仗表現神勇梅開二度,不過對手都唔野少,結果貝洛一方以2比3敗陣,不過正所謂球場失意,情場得意,一失一得,都無謂咁計較啦。東網體育FB同你追實體壇每個精彩時刻!http://bit.ly/2ecTF2A Follow東網體育IG一齊撐本地運動員!http://bit.ly/2EYxoRh 

分享更多閱讀請至以下|PPLS|磷蝦油|蜂王乳|GOOGLE排名|超視王|神經滋養物質|台灣綠蜂膠|南極冰洋磷蝦油|關鍵字排名|芙婷寶|蜂王漿|維力康|智勝王|網站排名|健康食品|葉黃素|保健食品|SEO

發表迴響

你的電子郵件位址並不會被公開。 必要欄位標記為 *