IB 2021 數學會轉制?同學必睇4大須知!

IB 2021 數學會轉制?同學必睇4大須知! 2018年10月30日 13:00Tweet 東網電視更多新聞短片 2021年IB數學將會轉制,想知有咩唔同,就要細閱本文喇!(互聯網) 講起IB MYP同IGCSE,好多家長都會問我哋,我依家Year 6,7,或者8,之後同IB DIPLOMA銜接會唔會脫節?定係學校會教咗IBDP嘅Concept先?由淺入深?要答呢個問題,首先要知道,IB會唔會轉制。因為如果唔轉制,其實你無論幾時讀,都可以早點準備IBDP嘅課程,準備咗嘅內容亦都唔會嘥咗。不過IB收得咁貴學費,梗係唔可以唔做嘢啦!【IB幾年轉一次制度】好啦,言歸正傳,究竟IB會唔會轉制? 如果依家係Year 10嘅學生,應該聽過2021年IB數學會轉制。但係,IB唔同DSE,唔係一轉就係由HKCEE轉去DSE第二個制度,IB係每7年檢視一次課程,而且唔係所有科目一齊轉,通常係每一科獨立咁改嘅。咁即係大家會知道,下次轉就係2028年。【2021 IBDP 數學有咩改變?】時至今日,IBO( IB Organization)都仲未上載最新數學嘅課程內容,官網係寫住:Content to be updated。實質嘅內容,同有乜新章節加咗落去,要等IBO上載先知。不過,筆者今日可以同你肯定嘅係,IB Further Math將會喺2021取消,即係最後嘅考試係2020年11月。IB數學有四個Level(舊時係得3個Level), Math Studies、Standard Level、Higher Level同埋Further Math。Further係IB最難嘅數學,內容同喺大學讀數學無分別,點解會忽然取消?原因有兩個,首先大學錄取資格,例如Engineering、數學、物理等科目,根本就唔需要Further Math,Math Higher Level已經足夠,所以學生唔會有動力去報呢科;第二個原因就係,IB經濟考量,因為呢科根本冇乜人報,但係IB每年要做3份新嘅考試卷,May 2份(1份美國Time Zone,一份亞洲),November就另一份畀澳洲,所以IBO索性取消Further Math。【Math SL Math HL等大科,有咩轉變?】現時SL同HL就算同一個Topic,考嘅題目都唔同。例如大家都學概率,SL題目會淺啲,HL題目會深好多。新制度底下,IBO寫明SL will become COMPLETE subset of HL。意思即係,SL會變咗HL嘅一部分,而唔係分開。情況有如考IB經濟或商業,SL嘅學生做到Section A同B就得,或者做到第6題就OK,但係HL嘅學生要做到Section C,同埋答埋之後啲題目。簡單嚟講,新制度係分Part,唔係分難度。可以想像到以後Math HL競爭會更加激烈,因為題目容易咗,分數一定會更加高,對一啲Careless嘅學生可能不利,因為唔小心,喺容易嘅題目失分,影響可以好大。反而難嘅題目好處係,大家都唔識㗎啦,聰明嘅學生可以有優勢,答到難題的話,可以立刻拋離對手。所以往後嘅IB學生,尤其數學,一定要操練多啲。【Math Studies有咩變咗?】科目名字變咗Mathematics:Analysis and approaches SL。大家都係2份Paper,不過舊時Paper 1&2 都係可以用計數機。新制度底下,Paper 1就無得用!即係考你用手計,同心算。2021年考Math Studies(Analysis and approaches SL)嘅同學要準備一場苦戰,唔可以再用計數機,幫你計埋啲1+1=2嘅普通加減數。EdwardHKExcel IB Specialist共同創辦人,教育超過三千名IB學生拔萃男書院畢業生,英國高考取得5A成績曾獲邀到多間IB學校分享應試心得曾撰寫「IB攻略」在書展大賣

分享更多閱讀請至以下|蜂王乳|PPLS|網站排名|台灣綠蜂膠|維力康|芙婷寶|南極冰洋磷蝦油|保健食品|神經滋養物質|磷蝦油|關鍵字排名|超視王|葉黃素|智勝王|蜂王漿|健康食品|SEO|GOOGLE排名

發表迴響

你的電子郵件位址並不會被公開。 必要欄位標記為 *