古勝:人民幣續軟 避開受累股

古勝:人民幣續軟 避開受累股 2018年10月30日 00:02Tweet 東網電視更多新聞短片 人民幣貶值不利內需股。 古勝在東方產經「MARKET INSIGHT」專欄中表示,上周五美股續跌,唔少人都驚港股再跌深啲,不過淡友呢個月都賺夠啦,無乜需要踩多腳!最重要係周一午後受滙豐控股(00005)第3季業績勝預期刺激,港股借勢彈一彈,恒指最終升94點收報24,812點。至於國指,近期每次跌落一萬點即見承接,尾市跌幅收窄至46點報10,012點,險守一萬關,主板成交946億元。睇睇板塊表現,周一就見到煤炭股同汽車股跌勢加速,前者受累於兗州煤業(01171)今年第3季盈利大幅倒退,按內地會計準則,期內盈利按年大跌28%至11.63億元人仔,股價大跌16%報7.35元,成支大陰燭插落去,睇見都唔想買!同業中煤能源(01898)及中國神華(01088)就分別跌4.7%及3.9%。雖然話早前板塊相對大市硬淨,但如今勢頭轉差,短期都係放埋一邊。至於古勝經已唔睇好的汽車股,則因長城汽車(02333)上季盈利大跌近五成,股價幾乎由頭跌到尾,最終插8%報4.09元。其他汽車股普遍唔靚仔,人氣較旺的吉利汽車(00175)及比亞迪(01211)分別跌2.7%及1.9%,作為中美貿易戰主要受累股,真係無得搞。另外,市場睇死人民幣好快穿7算,雖然中國上周五出口術維穩匯價,但人仔周一繼續偏軟,在岸價(CNY)及離岸價(CNH)皆一度跌穿6.96關。部分內需股話就話受貿戰影響較微,但仍受人仔貶值影響,好似維達國際(03331)近日公布第三季經營溢利急跌五成,股價周一先跌後回升,即市走勢甚為波動,睇怕最靚的短期高位已一瞬即逝。睇番集團首三季經營溢利微增1.2%至7.69億元,其中第3季盈利大跌50%至1.25億元。維達表示首九個月面對多項挑戰,其中最受影響為大幅上升的木漿成本及人民幣兌美元貶值。雖然集團指出為緩解有關壓力,已採取多項措施如兩輪提價、積極節約成本及優化產品組合,但人仔貶值勢頭延續下,未來經營環境仍存變數。即使短期有得彈,睇怕都係彈散居多,若然仍有貨在手,都係趁反彈沽貨為佳。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|磷蝦油|蜂王乳|GOOGLE排名|葉黃素|SEO|超視王|保健食品|台灣綠蜂膠|維力康|PPLS|蜂王漿|芙婷寶|網站排名|神經滋養物質|南極冰洋磷蝦油|智勝王|健康食品|關鍵字排名

發表迴響

你的電子郵件位址並不會被公開。 必要欄位標記為 *