總結:神歸位!咖喱仔喪入11個3分

總結:神歸位!咖喱仔喪入11個3分 2018年10月25日 13:37Tweet 東網電視更多新聞短片 (互聯網) 睇片即到:https://bit.ly/2Rgpubz 勇士喺NBA主場以144:122屠殺巫師,史堤芬居里3節收工竟然有51分,而且佢瘋狂射入11個3分,個人職業生涯第10次單場射入至少10個3分,宣布神歸位。史堤芬居里喺第1節已經暴走攻入23分,包括3分6投5中,隨後佢保持進攻侵略性,愈射愈有交出51分、4個籃板同3次助攻,全場3分16投11中,就算杜蘭特有30分、8個籃板同7次助攻,奇利湯臣有19分、2個籃板同1次助攻,依然畀佢搶晒風頭。今次咖喱仔歸位,成為奇利湯臣、安東尼同占士夏登以外,聯盟近10年第4個3節得分50+球員,同時係佢第6次單場射入11個3分,網友仲話,假如勇士教練卡爾畀佢打第4節,佢會打破埋個人得分紀錄54分,同埋單場射入13個3分嘅聯盟紀錄喎!另一方面,火箭喺主場以89:100不敵爵士,由於基斯保羅因為打交繼續停賽,占士夏登取得29分、5個籃板同7次助攻後喺第4節傷出,注定火箭遭遇今季第3場敗仗。相反,米切爾爆發有38分、5個籃板同7次助攻,協助爵士結束2連敗。最新賽果(左方主場)鷹隊 111:104 獨行俠騎士 86:102 籃網熱火 110:87 紐約人速龍 112:105 木狼公牛 112:110 黃蜂火箭 89:100 爵士馬刺 96:116 溜馬公鹿 123:108 76人太陽 113:131 湖人帝王 97:92 灰熊勇士 144:122 巫師Follow東網體育IG一齊撐本地運動員!http://bit.ly/2EYxoRh 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|磷蝦油|芙婷寶|超視王|網站排名|PPLS|神經滋養物質|蜂王漿|維力康|健康食品|智勝王|SEO|南極冰洋磷蝦油|蜂王乳|GOOGLE排名|台灣綠蜂膠|葉黃素|保健食品|關鍵字排名

發表迴響

你的電子郵件位址並不會被公開。 必要欄位標記為 *