總結:真係唔畀高比復出!大帝3雙淘金

總結:真係唔畀高比復出!大帝3雙淘金 2018年10月26日 13:31Tweet 東網電視更多新聞短片 勒邦占士喺高比拜仁面前表演入樽。(互聯網) 湖人喺NBA主場以121:114擊敗金塊,原本兩隊喺比賽尾段分數咬住上,現場歡眾大聲召喚入場睇波嘅高比拜仁,諗住打動佢復出,點知勒邦占士射入關鍵3分,全場即刻靜晒,最後大帝交出轉會後首次3雙,帶領湖人2連勝,似乎真係唔畀高比復出!由於朗度同班頓恩格林因為打交事件繼續停賽,湖人一直搶唔到領先優勢,到第4節,現場觀眾更加大嗌高比,希望氹到佢復出,不過勒邦占士即刻射入關鍵3分,似乎想用行動話畀球迷知,現時湖人唔需要退咗役嘅高比做救世主。最後勒邦占士有28分、11個籃板同11次助攻,個人職業生涯第74次3雙,麥基有21分、7個籃板同2次助攻又交到貨,而且大帝試過剷籃大力入樽後,向住高比坐嘅觀眾席大嗌慶祝,網友覺得佢意思係:「放心!湖人有我就掂。」同日,雷霆喺主場以95:101不敵塞爾特人,韋斯布克得13分、15個籃板同8次助攻,即使保羅佐治有22分、8個籃板同1次助攻,都阻止唔到雷霆4連敗。相反,艾榮有15分、5個籃板同5次助攻,已足夠為塞爾特人贏波,因為達頓有24分、6個籃板同1次助攻。最新賽果(左方主場)活塞 110:103 騎士魔術 114:128 拓荒者雷霆 95:101 塞爾特人湖人 121:114 金塊Follow東網體育IG一齊撐本地運動員!http://bit.ly/2EYxoRh 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|維力康|網站排名|PPLS|葉黃素|台灣綠蜂膠|智勝王|健康食品|蜂王乳|蜂王漿|關鍵字排名|神經滋養物質|南極冰洋磷蝦油|保健食品|SEO|GOOGLE排名|磷蝦油|超視王|芙婷寶

發表迴響

你的電子郵件位址並不會被公開。 必要欄位標記為 *