古勝:反向產品只宜短炒

古勝:反向產品只宜短炒 2018年10月26日 00:02Tweet 東網電視更多新聞短片 古勝在東方產經「MARKET INSIGHT」專欄中表示,美股終於響起冧市警號,周三晚美國三大指數大瀉,似乎已經話畀世人知,沽貨好趁早!港股周四跌幅比預期小,恒指僅跌255點收報24,994點,國指則跌49點報10,176點,主板成交1,060億元。滬綜指早段曾低見2,531點,幸尾市轉跌為升,最終平收報2,603點。既然個市跌幅收窄,逃生門打開仲唔走等乜?隨時股份清倉大冧價陸續有來,暫時保本最緊要!市底弱,買股博反彈真係唔好諗住,尤其美股今次大跌主要由估值甚高的科技股帶動,納指周三晚急挫4.4%,創2011年以來最大單日跌幅。在港上市的科網股當然無運行,騰訊控股(00700)再下潛,全日跌2.4%報269元,真係唔好再問底部喺邊!至於散戶向來關注的滙豐控股(00005),睇住佢早段最低見過60.4元,以為會失守60元關口,點知今次散戶「長城」護盤成功,最終跌0.8%報61.05元。不過睇勢都係繼續落多,唔買先正路。總括而言,港股周四跌幅雖然唔算大,但整體投資氣氛差卻係事實,除非買入金礦股或反向ETF作短炒,否則要贏錢並唔易。講開反向ETF,近期逆市突圍,好似FI南方恒指(07300)、FI南方國指(07388)、FI華夏恒指(07321)等等即市皆創新高,似乎有資金在跌市中,選擇以其出擊又或作對沖之用。不過,要留意這類反向產品是提供單日回報相反的收益,不宜作長線投資,否則在波動市況下,其累計回報未必等於相關指數相反的累計回報,變相增加持貨過夜成本,故投資相關產品時,建議以短炒為主。最後,近期大跌市見到有啲股仔甚至創板股突然「上位」,但講真,呢類股仔唔知乜頭乜路,本身業務冇咩特別消息,突然市場上有人推介,都估到有景轟!好似周四就有隻創板股,股價先升後倒插幾成,成交額同市值差無幾,睇到缸邊友眼凸凸。聽咗肥田料上車又走唔切的,真係一殼眼淚。唔想為莊家散貨作嫁衣裳,都係唔好掂呢類股仔,免得貪字得過貧!─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|關鍵字排名|磷蝦油|超視王|南極冰洋磷蝦油|蜂王漿|蜂王乳|保健食品|維力康|網站排名|台灣綠蜂膠|神經滋養物質|SEO|健康食品|PPLS|智勝王|葉黃素|GOOGLE排名|芙婷寶

發表迴響

你的電子郵件位址並不會被公開。 必要欄位標記為 *