古勝:重磅股等轉勢再考慮

古勝:重磅股等轉勢再考慮 2018年10月25日 00:02Tweet 東網電視更多新聞短片 滙豐下周一公布季度業績。(美聯社圖片) 古勝在東方產經「MARKET INSIGHT」專欄中表示,周二晚美股一度大插,惟尾段跌幅收窄,港股周三即市走勢十分飄忽,全日高低波幅達459點,足以令到即日鮮客走幾轉,但大前提係要捉到路,否則就變成冚幾巴!好淡雙方明顯在角力,市況飄忽都好正常,不過,要在如此波動市況中搵食就好考技巧同心理質素,事關短期資金流向受氣氛影響甚大,兼且喺忽視基本面因素下,就算揀中心水股,隨時都落得輸錢下場。恒指周三最終跌96點收報25,249點,與兩萬五心理關口距離不遠,淡友只要輕輕加多腳就到。主板成交則回落到912億元,可能係顧慮中央短期有機會再出新招撐市有關。睇番滬綜指周三最高見2,640點,一度重上熔斷底,可惜最終都企唔穩,報2,603點,一句講晒:市底弱就係市底弱!港股今期都真係好惡炒,事關中央要救市之時,外圍就唔多對路,美股危危乎。美國十年期國債孳息率跌穿3.14厘,國際金價在1,230美元企穩,避險意識繼續升溫。單係咁睇,港股今次唔只係被A股拖累,仲要隨時被外圍投資氣氛左右!個股的表現就好個別,好似港股晴雨表港交所(00388)早前已經升先大市一步,周三續升0.6%,再跑贏大市。股王騰訊(00700)連續兩日10天線得而復失,未來守唔守得住前低位265元支持都係一個問題。中資金融股作為今次反彈的主力部隊,但近兩日表現十分反覆,權重股建設銀行(00939)雖然收升0.3%報6.22元,不過日線圖成支長針,動力唔算太強,而其他三大行(中、工、農)則分別持平、升0.9%及升0.2%,股價表現唔上唔落,後市隨時又轉趨牛皮。簡而言之,港股整體市況陰陽怪氣,加上即市明顯缺乏方向,要做好風險管理先好入場,而已持貨者應調節好心理,到價就要嚴格執行止蝕/止賺。大笨象滙豐控股(00005)下個星期一就公布第三季度業績,大行此前睇法都幾個別,好似花旗就下調其評級至「中性」,目標價下調至67.7元,以反映下調明年財年盈利預測及股本成本增加等因素;里昂則維持其「買入」評級 ,目標價89元。事實上,雖然滙控密密回購,加上北水早前頻頻買貨,但股價都係彈唔起。再考慮到北水近日似乎已經消失影蹤,反而沽空比率有上升趨勢,周三滙控沽空比率高達50%,睇怕後市都要繼續落。另從估值考慮,滙控現時往績市盈率約16倍,息率6.4厘,市帳率約0.9倍,以一間業務平穩發展的國際銀行來說,確係有一定吸引力。最慘係,現時投資氣氛偏淡,市底弱兼且通街平貨,作為權重股反而成為負累,所以就算估值幾吸引,一日股價未轉勢向上,都係眼看手勿動!─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|神經滋養物質|葉黃素|智勝王|網站排名|維力康|台灣綠蜂膠|關鍵字排名|磷蝦油|蜂王乳|PPLS|南極冰洋磷蝦油|蜂王漿|超視王|SEO|健康食品|芙婷寶|保健食品|GOOGLE排名

發表迴響

你的電子郵件位址並不會被公開。 必要欄位標記為 *