樓市跌收入減 代理行出招抗逆

樓市跌收入減 代理行出招抗逆 2018年10月24日 07:00Tweet 東網電視更多新聞短片 近排樓市轉勢回落,累到各大地產代理提早進入寒冬。 之前樓市日日創新高價成交,勢估唔到,近排樓市轉勢回落,一手同埋二手交投減少。天氣都未正式轉寒,各大地產代理就已進入寒冬,有代理行高層同小編講,今個月為止佣金收入大減,公司出現「嚴重虧蝕」。而市場就傳聞個別代理公司為解決眼前情況,除咗唔再請人外,亦推出多項措施催谷員工「跑數」,唔達標嘅就會被叮走。中原地產亞太區副主席兼住宅部總裁陳永傑透露,本月至今公司佣金收入僅約8,500萬元,創兩年新低,估計全月佣金亦只有1.5億元,到時更加會係創五年新低。被問到會唔會有對策,佢就話採取以靜制動,暫時會等到今個月底埋數,除非員工生意真係好差,好似頭十個月都唔夠十萬佣金,先會出封警告信。但佢強調,公司普遍冇話裁員,通常都係自然流失。不過,小編收到市場部代理行已實施谷數新計劃。包括要求員工遵守返工時間表,每日早上開會,部分亦指明要返足十個鐘。亦規定每名代理要「鋤價」合共500萬元,即要求業主減價促成交易,並且要增加盤源數量,每個代埋要交至少兩張新「放盤紙」。另外,個別地區代理行提供嘅津貼,會因應員工三個月或半年內,佣金是否達到15萬元或30萬元,否則要扣減一半,連續兩次不達目標就唔可以取回津貼。最嚴重嘅係,區域阿頭唔夠數就要交人,如果旗下代理到月底,平均數做唔夠3萬元,就會被裁走。─ ─ ─ ─ ─ ─《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!遊戲下載:https://goo.gl/i2t1yj 「致富智庫」領悟理財/職場智慧,一Click改變一世http://money18.on.cc/wealth 「東網Money18」全新功能「貼市貼士」,助你掌握投資先機http://bit.ly/2sLtGDm

分享更多閱讀請至以下|蜂王漿|神經滋養物質|健康食品|磷蝦油|維力康|芙婷寶|關鍵字排名|葉黃素|台灣綠蜂膠|智勝王|保健食品|蜂王乳|網站排名|GOOGLE排名|SEO|南極冰洋磷蝦油|超視王|PPLS

發表迴響

你的電子郵件位址並不會被公開。 必要欄位標記為 *