50碼超勁助攻!葡萄牙靚波搞掂波蘭

50碼超勁助攻!葡萄牙靚波搞掂波蘭 2018年10月12日 04:37Tweet 東網電視更多新聞短片 魯賓尼維斯(圈紅衫)貢獻世界級助攻,逼到基歷克(右)擺烏龍。(法新社圖片) 歐國聯波蘭主場鬥葡萄牙,葡軍雖然冇C朗坐陣,不過踢得仲爽,曼城中場貝拿度施華着上10號波衫表現極佳,狼隊中場發電機魯賓尼維斯更交出世界級50碼超勁助攻,雖然巴拉斯塞高斯基亦貢獻勁靚窩利,但都救唔到波蘭,葡萄牙最終贏3:2。C朗因涉強姦醜聞纏身,暫時未能為葡萄牙上陣,但今仗進攻非常銳利,踢法好悅目。不過開紀錄嘅係波蘭,18分鐘比亞迪克接應右路角球頂入,主隊領先1:0。不過之後係葡萄牙天下,31分鐘,西維爾前鋒安達施華近門撞入扳平,到完半場前,魯賓尼維斯於自己後場交出絕妙高波,直達波蘭禁區心臟位置,拉法施華快出迎嘅波蘭門將法比安斯基一步推橫,想起腳之際主隊後防基歷克解圍解咗入網,半場葡軍反超前。52分鐘,貝拿度施華右路cut入中路,帶到禁區頂左腳勁射,法比安斯基拍到都入,葡萄牙擴大比數。主隊77分鐘入靚波,巴拉斯塞高斯基禁區外右腳窩利抽遠柱入網,追成較接近比數完場。

分享更多閱讀請至以下|智勝王|台灣綠蜂膠|SEO|維力康|芙婷寶|超視王|神經滋養物質|磷蝦油|保健食品|PPLS|關鍵字排名|網站排名|葉黃素|健康食品|蜂王乳|GOOGLE排名|南極冰洋磷蝦油|蜂王漿

發表迴響

你的電子郵件位址並不會被公開。 必要欄位標記為 *