麥巴比超級轉身 五分鐘救番法國

麥巴比超級轉身 五分鐘救番法國 2018年10月12日 05:00Tweet 東網電視更多新聞短片 (法新社圖片) 基利安麥巴比一次又一次,以行動證明自己係未來球王!國際熱身賽法國主場對冰島,客軍賽前兩連敗失九球,球迷都等睇應屆世界盃冠軍今仗大炒對手,但就算保羅普巴、基沙文在陣,法國竟然先失兩球。最後半個鐘麥巴比後備出場,5分內為法國追平,表演超級轉身非常精彩,完場前更惹到對手粗暴攔截,爭啲令普巴同對手打大交,最後法國追平2:2完場力保不敗。今仗賽前法國於主場球迷面前展示世界盃認真威威,不過卻射極唔入,不過於60分鐘前,已被比卡比查拿臣及阿拿臣攻入兩球,落後0:2。領隊迪甘斯見形勢不妙,即時調入麥巴比。呢名19歲巴黎聖日耳門射手,一入場就充滿威脅,瘋狂於右路搞搞震,好快就扭過門將射入,可惜卻越位在先入球作廢。打到86分鐘,麥巴比於禁區內嚟個閃電超級轉身,於窄位起右腳狂抽,對手門將拍到,但個波省中隊友入網,法國追成較接近比數。於90分鐘冰島守衞於禁區犯手球,球證直指12碼點,麥巴比冷靜響袋,於5分鐘內憑個人之力為法國追平。之後麥巴比意猶未盡,於中圈附近狂推擺脫對手,之後諗住再引球疾走之際,引得對手飛鏟中腳,麥巴比痛極倒地,而犯規冰島球員就碌入法國後備席,惹得一班法國球員包括普巴嬲爆喪圍對手,好彩最後冇大打出手。麥巴比今仗演出勁精彩,引證自己可憑個人之力扭轉比賽結果。東網體育同你追實體壇每個精彩時刻! https://goo.gl/ewVpvE 

分享更多閱讀請至以下|台灣綠蜂膠|磷蝦油|葉黃素|超視王|神經滋養物質|維力康|GOOGLE排名|保健食品|蜂王乳|南極冰洋磷蝦油|SEO|關鍵字排名|智勝王|健康食品|蜂王漿|芙婷寶|網站排名|PPLS

發表迴響

你的電子郵件位址並不會被公開。 必要欄位標記為 *