【有片】超失禮!英超門神畀對手攻到喊

【有片】超失禮!英超門神畀對手攻到喊 2018年10月11日 12:01Tweet 東網電視更多新聞短片 講起「手榴彈戰術」,大多數球迷會諗起前英超球會史篤城,當年以戴納為代表嘅「直轟界外球」威力驚人,幾十碼外一樣可以掟到入禁區核心位置,唔少球會都頂唔順呢招而失波。英格蘭「長人中鋒」高治當年係呢種戰術嘅主要武器之一,佢最近喺自己嘅網上節目爆料,話曾經有英超門將因為頂唔順「手榴彈戰術」嘅壓力,即場爆喊!依家仍然效力史篤城嘅37歲老將高治爆料:「手榴彈戰術經常令到對手亂晒籠,有球員寧願踢個波落底線輸角球都唔輸界外球。有一場波對手門將係靴里奴高美斯,我同好多人喺禁區入面互相推撞,我見到佢好辛苦咁將攻勢瓦解後,就開始流眼淚。佢當時非常非常傷心,情緒接近崩潰,因為佢頂唔住一浪又一浪嘅手榴彈攻勢。」高治爆料後,有網民發現一段靴里奴高美斯當年效力熱刺作客史篤城嘅片段,片入面靴里奴高美斯一直大聲嚎哭,疑似就係高治所講嘅事件。有指靴里奴高美斯當時係因為撞傷覺得痛而哭,勢估唔到畀高治踢爆佢係「驚到喊」。現年37歲嘅靴里奴高美斯依家效力屈福特,擔任賓科士打嘅副手,佢依家畀高治踢爆瘀事,以後仲點落場呀?東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|智勝王|網站排名|維力康|台灣綠蜂膠|PPLS|芙婷寶|磷蝦油|蜂王漿|蜂王乳|保健食品|SEO|超視王|關鍵字排名|葉黃素|南極冰洋磷蝦油|健康食品|神經滋養物質|GOOGLE排名

發表迴響

你的電子郵件位址並不會被公開。 必要欄位標記為 *