古勝:基建股短炒一轉

古勝:基建股短炒一轉 2018年09月28日 00:02Tweet 東網電視更多新聞短片 中國料加大基建投資。(美聯社圖片) 古勝在東方產經「MARKET INSIGHT」專欄中表示,聯儲局再次加息後,本地銀行終於跟隨加息,港股周四就唔上唔落,恒指最終跌101點報27,715點,主板成交縮到得777億元,似乎投資者在香港銀行加息後,都要需時消化及重新作部署。不過,今次香港四大銀行都只係加0.125厘,未有跟到足。從周四市場的觀望反應睇,如果恒指短期內衝唔上兩萬八,反而向下失守27,600點關,今轉反彈浪隨時玩完。在中美貿易戰陰霾下,過往高息股往往被視為資金避難所,不過,由於港息口趨升,若以美國十年期國債孳息達3.04厘比較,除非業務有較大發展空間企業,否則吸引力將逐步下降。好似領展房產基金(00823)及置富產業信託(00778)等REITs,唔係話佢業務前景變差,只不過息率無以前咁吸引,尤其是領展近年累積升幅不小,加上能賣得的商場同車位只會愈來愈少,相信REITs短線仍有調整壓力。此外,飄忽市都有部分板塊炒上,好似周四見鐵路基建、水泥及鋼鐵股等舊經濟股都有唔錯表現,其實前者都係炒番中國經濟受貿易戰打擊下,資金博中央下半年將加快基建等因素。當中以中國中鐵(00390)走勢最靚仔,股價9月中破位而上後,唔覺唔覺周四又抽升至7.69元收市,加上多條平均線順序向上,MACD牛叉持續,走勢利好,值得吼位買入短炒一轉,跌穿20天線約7元止蝕。香港似正式開展加息周期,周四見隻恒生銀行(00011)跑出,升2.1%收報213.4元,咁仲追唔追得過呢?從基本面睇,息口上調確有利銀行淨利息收入,不過睇見佢股價由2016年初近120元,反覆升至今年8月高見216.8元,累升約80%,且此後上升動力有減弱迹象。策略上,除非後市能在成交配合下突破,及企穩前高位阻力之上,否則都係先放入觀察名單先。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|保健食品|維力康|SEO|關鍵字排名|GOOGLE排名|蜂王漿|芙婷寶|蜂王乳|智勝王|PPLS|葉黃素|超視王|健康食品|神經滋養物質|網站排名|南極冰洋磷蝦油|磷蝦油|台灣綠蜂膠

發表迴響

你的電子郵件位址並不會被公開。 必要欄位標記為 *