車仔反勝晉級 夏薩特金球破紅軍不敗身

車仔反勝晉級 夏薩特金球破紅軍不敗身 2018年09月27日 04:42Tweet 東網電視更多新聞短片 (Getty Images) 夏薩特球王級世界波,帶領車仔作客反勝利物浦,不單令紅軍7連勝紀錄斷纜,更打破對手本季不敗身!英聯盃第三圈重頭戲,主隊下半場憑史杜列治凌空車身靚波打開紀錄,但之後就車仔表演時間,先有艾馬臣柏美尼扳平,之後再有夏薩特以一敵二玩殘對手射入窄角度金球,助車仔反勝2:1晉級,更為嚟緊英超再戰攞頭威。利物浦今仗收起穆罕默德沙拿、羅拔圖法明奴、華基爾雲迪積克、艾利臣比加等主力,夏薩特、佐真奴費路亦做車仔後備。上半場雙方拳來腳往形勢接近,16分鐘車仔法比仔畀個靚直線,莫拉達壓過洛夫雲一射,被米洛列特救出,3分鐘呢位西班牙射手左路底線窄合勁射,又過唔到米仔。之後利物浦有較多攻勢,35分鐘對手於禁區解圍,法比加斯手部有動作幾乎攬住個波,球證都冇畀12碼。1分鐘後基達禁區外靚射,畀卡巴尼路飛身撲出,半場互無紀錄。47分鐘韋利安左路妙傳入禁區,莫拉達近門一頂竟然龍都唔中。58分鐘主隊開紀錄,基達於左路閃身入禁區起右腳勁射,卡巴尼路擋出不遠,史杜列治嚟個凌空車身靚射入網,利物浦領先1:0。車路士於79分鐘扳平,右路罰球斬中巴克里頭槌一鑿被米洛列特救到,艾馬臣柏美尼門前補中搞掂。戲劇性時刻於84分鐘出現,法明奴後腳妙傳史獨,後者禁區外左腳靚射,可惜中楣彈出。你唔入就到我入,85分鐘,夏薩特右路被基達同摩蘭奴夾擊下扭動蛇腰,窄角度射遠柱入網,個人表演轟入世界波為車仔奠勝。利物浦之後換入沙拿都救唔番,最終輸1:2出局。嚟緊一輪英超,利物浦就作客史丹福橋,睇吓高普可唔可以帶領紅軍復仇。東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|關鍵字排名|葉黃素|SEO|智勝王|維力康|南極冰洋磷蝦油|超視王|蜂王漿|芙婷寶|保健食品|神經滋養物質|網站排名|台灣綠蜂膠|蜂王乳|健康食品|磷蝦油|GOOGLE排名|PPLS

發表迴響

你的電子郵件位址並不會被公開。 必要欄位標記為 *