政Whats噏:操水無功而回 梁敬國憤言食晒山竹

政Whats噏:操水無功而回 梁敬國憤言食晒山竹 2018年09月27日 11:59Tweet 東網電視更多新聞短片 梁敬國熱愛運動,不時重返母校操水。(梁敬國 fb) 一向都鍾意做運動嘅商務及經濟發展局前副局長梁敬國(Godfrey),本身係中文大學舊生,不時重返母校操水,好似前日(25日)佢就專程返去游泳,仲大讚天氣好,去到池邊雞咁腳撲落水,連太陽油都廢事搽喎。不過,尋日(26日)佢又係社交網站發貼,因為游水而太激氣,憤言以後要同山竹為敵,要食晒啲山竹喎!到底發生咩事咁勞氣呢?原來Godfrey之前報咗名參加本來喺周日(30日)舉行嘅吐露港渡海泳,而佢又發現自己呢排太少操練,好擔心比賽當日畀人撈上艇,尋日先返母校操水。佢仲話以44分鐘多少少游完30塘算係僅僅合格,對比賽有番些少信心。點知尋日大會公布,因為超強颱風「山竹」早前襲港,擔心賽道唔安全決定取消比賽,搞到Godfrey有啲無奈,所以發貼時都玩嘢咁講「以後與山竹為敵食曬(晒)佢」。

分享更多閱讀請至以下|GOOGLE排名|智勝王|磷蝦油|葉黃素|SEO|PPLS|關鍵字排名|蜂王乳|維力康|超視王|蜂王漿|神經滋養物質|台灣綠蜂膠|保健食品|健康食品|芙婷寶|南極冰洋磷蝦油|網站排名

發表迴響

你的電子郵件位址並不會被公開。 必要欄位標記為 *