巴塞68秒失2球!美斯700場黑到爆

巴塞68秒失2球!美斯700場黑到爆 2018年09月27日 09:26Tweet 東網電視更多新聞短片 美斯上半場射中楣角。(Getty Images) 巴塞隆拿喺西甲作客以1:2不敵雷加利斯,連續兩場失分,佢哋喺先開紀錄後有美斯勁射中楣角彈出,結果下半場冧檔喺68秒內連失2球,導致美斯個人第700次為巴塞上陣掃興而回。開波12分鐘,菲臘比古天奴射入靚波為巴塞先開紀錄,冇耐後仲有美斯勁射中楣角,點知換邊後7分鐘,艾沙亞接應隊友傳中頂入為雷加利斯扳平,跟手碧基禁區內解圍竟然踢橫個波,送大禮造就洛迪古斯阿尼斯射入幫雷加斯斯爆大冷贏波。睇番統計,今季美斯連盃賽8次上陣有8個入球,但計埋今場,佢喺8場比賽有6次中楣或中柱,簡直黑到爆,唔止冇辦法以勝利慶祝個人第700次為巴塞上陣,佢個人嘅連續48場西甲不敗走勢更加衰埋,冇辦法追趕恩尼斯達嘅55場不敗紀錄。Follow東網體育IG一齊撐本地運動員!http://bit.ly/2EYxoRh 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|智勝王|台灣綠蜂膠|GOOGLE排名|PPLS|葉黃素|維力康|南極冰洋磷蝦油|SEO|芙婷寶|超視王|神經滋養物質|磷蝦油|蜂王漿|網站排名|關鍵字排名|蜂王乳|保健食品|健康食品

發表迴響

你的電子郵件位址並不會被公開。 必要欄位標記為 *