古勝:中資金融股順勢跟進

古勝:中資金融股順勢跟進 2018年09月27日 00:02Tweet 東網電視更多新聞短片 建設銀行。(法新社圖片) 古勝在東方產經「MARKET INSIGHT」專欄中表示,港股早前跟A股跌而唔跟美股升,近期則緊隨A股反彈得有氣有力,真的成也蕭何,敗也蕭何。不過,港股未來能否更上一層樓,其實都係五五波。走勢上,滬綜指於9月18日低見2,644點,與2016年初熔斷低位2,638點僅相差6點,而未有跌穿後即見強勁承接並拾級而上,以周三高位2,827點計,今轉已反彈約7%或183點。期間港股當然跟勢炒上,恒指周三更一度重上兩萬八,高見28,031點,可惜最終得而復失,尾市升幅收窄至1.1%報27,816點,暫時處下跌通道近頂部位置。本周除美國議息結果成焦點外,今日下午富時羅素將於上海證券交易所與上交所及深交聯合召開新發布會,宣布A股評審結果及富時羅素債券指數國家分類框架,亦成為市場熱話之—。古勝覺得,無論資金係因為博國家隊入市,定係炒A股納入富時指數先至被推高,一眾中資金融股有好大機會成為資金追貨對象,大家睇睇重磅的建設銀行(00939)周三又升1%,而平時行得甚慢的中國銀行(03988)及年內走勢較差的中國人壽(02628)皆分別升0.8%,反映金融板塊走勢確有改善,值得揀隻心水靚股博博。部署上,若然唔想煩,當然係揀建行,話晒係權重股,如果大市再行買佢都無走雞,目標上望前裂口約7.5元水平,跌穿10天線約6.6元止蝕。或者大家可能又會問,既然美國已進入加息周期,咁係咪要買番多少加息受惠股?事實上,美國加息本來有利銀行股及保險股等,因前者受惠於淨利息收入上升,後者投資收入亦間接被推升。不過,由於市場早已消化美國加息因素,所以除非加息幅度高於預期,否則相關板塊亦未必會因而大升。反而係,相關受累股短期必須避一避,最起碼對息口敏感的本地地產股、負債較重的股份如內房、中資航空股,就算唔去做淡,都必須忍手唔好買住,事關資金就算有意博大市反彈,都要逐個板塊排隊,唔會咁快輪到佢哋。內地連鎖火鍋店海底撈(06862)周三首掛,即市高見19.64元,收報17.82元,險守招股價17.8元。在下就未食過,但睇番近期上市的新股表現都唔多靚仔,好似頗具人氣的美團點評(03690)上市後連跌幾日,兼頂唔住要跌穿招股價。既然新股無乜鑊氣,咁有錢都寧願去食番餐好,但就唔建議衝入去做小股東了!此外,內需股叫做離貿易戰個戰場最「遠」的板塊,加上近期講緊國策促進消費,早前跌幅溫和且近日彈力較強的內需股值得留意。蒙牛乳業(02319)股價在21.5元水平營造雙底回升,短期只要守穩24元,整固後隨時有力再上,值得候低吸納,目標28元,跌穿10天線23.5元止蝕。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|網站排名|芙婷寶|葉黃素|蜂王漿|維力康|蜂王乳|保健食品|神經滋養物質|PPLS|南極冰洋磷蝦油|健康食品|GOOGLE排名|SEO|磷蝦油|台灣綠蜂膠|超視王|關鍵字排名|智勝王

發表迴響

你的電子郵件位址並不會被公開。 必要欄位標記為 *