寸王終極羞辱普巴:唔使旨意再做隊長!

寸王終極羞辱普巴:唔使旨意再做隊長! 2018年09月26日 07:22Tweet 東網電視更多新聞短片 (Getty Images) 曼聯早前於英超被升班球隊狼隊逼和,寸王又面臨巨大壓力,陣中球霸保羅普巴,公開質疑領隊莫連奴戰術,話佢係曼聯未能於奧脫福「進攻進攻再進攻」嘅罪魁禍首。寸王一向係方丈,得罪方丈當然唔會有好結果,英媒BBC爆料,話莫連奴於操練時,當住全場球員面前表示普巴以後唔會再做曼聯隊長,同呢位法國世界盃功臣正式決裂!普巴早前表示,曼聯於主場打唔出威勢,未能整場賽事壓住對手嚟攻,當記者問佢邊個令到班波咁,佢就話:「唔可以講出口,因為我只係個球員,總之就唔係我啦。」雖然冇開名,但咁樣同公開插寸王完全冇分別。英國多間傳媒,包括公信力一流嘅BBC都有報道,話莫連奴已經向普巴大報復。日前球隊於訓練場操練後,佢向全隊作出訓話,當住全部球員表示「冇一個個別球員係大過曼聯」,直斥普巴言論不當,另外對狼隊一戰,亦都係普巴掛住演嘢扭失波、導致球隊被追和嘅罪人,所以已決定唔會再畀普巴當上隊長一職。本季正隊長路爾斯華倫西亞有傷在身,普巴曾3次帶上紅魔隊長臂章落場。到今仗英聯盃對打比郡,普巴被收起冇得落場,但後者今仗文裝一度於看台睇波,同隊友有講有笑,心情似乎冇受影響,可能寸王愈憎自己、自己離隊機會愈高,或者反而更合普巴心意。普巴冇得再做隊長,當華倫西亞又缺陣時,基斯史摩寧、安達靴里拉、尼曼查馬迪、艾舒利楊格都係隊長候選人,其中楊格就於對打比一仗做隊長。東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|保健食品|芙婷寶|智勝王|葉黃素|GOOGLE排名|蜂王乳|超視王|SEO|維力康|神經滋養物質|健康食品|磷蝦油|PPLS|南極冰洋磷蝦油|蜂王漿|台灣綠蜂膠|網站排名|關鍵字排名

發表迴響

你的電子郵件位址並不會被公開。 必要欄位標記為 *