古勝:後市方向仍有待明朗

古勝:後市方向仍有待明朗 2018年09月26日 00:03Tweet 東網電視更多新聞短片 古勝在東方產經「MARKET INSIGHT」專欄中表示,港股喺放中秋假前跌番454點出嚟,收報27,499點,但主板成交僅693億元。此外,這邊廂聯儲局周四凌晨就會公布議息結果同埋主席鮑威爾發表貨幣政策聲明,雖然話市場早已預期今次加息「十拿九穩」,但點都有資金會選擇忍一忍手。另一方面,北水周三假後重開,港股會係大上大落定係靜靜等待美國議息?古勝無水晶球,唔敢隨便去預測。不過,有一點可以肯定,就係今個月得番3個交易日,以恒指周一收市價27,499點計,要反彈上27,888點樓上,就可以將月線圖上的「四連陰」逆轉,計一計數即係要彈番389點,話多唔多話少唔少。不過,考慮到20月線現處於約28,106點,如果真係彈唔番上去,咁港股後市都係級級落多。若然從恒指牛熊證街貨數據睇,大家或者可從中得到啟示,基於港股反彈逾千點後,現時資金再追入牛仔的信心已下降,27,000至27,300點左右的街貨量相等於2,147張期指合約,至於熊仔在28,000至28,300點都有2,937張期指合約,似乎大戶短線做好定做淡,機會亦一半半。既然指數都係飄上飄落,咁不如轉吼個股睇睇有無運行。上周反彈的汽車股,周一普遍見獲利盤湧現,惟古勝日前提及的比亞迪(01211),周一即市股價雖曾落到52.2元,但尾市跌幅已收窄至0.09%報54.75元,反映低位有資金買貨,既然大弱市都顯現承接力,未入貨者不妨吼個靚位上車。至於內房股,受累市傳內地將對樓市進行新一輪調控,綠城中國(03900)、碧桂園(02007)、中國海外(00688)及華潤置地(01109)股價跌幅介乎3至6.2%不等,連帶與內房唇齒相依的物業管理股都要跌埋一份,彩生活服務(01778)就跌得最甘,全日跌6.6%,綠城服務(02869)及中海物業(02669)分別跌5.3%及4.2%,至於一向表現較硬淨的碧桂園服務(06098)則跌3.9%。由於今次兩個板塊之跌勢,乃大市加上行業氣氛使然,故短期會唔會再跌仍屬未知數,如果未有貨都係先靠邊站最穩陣。此外,周一見唔到近期在大跌市中都有資金湧入的公用股作「反擊戰」,好似中電控股(00002)、中華煤氣(00003)及電能實業(00006)都同樣微跌,加上一向防守力唔錯的領展房產基金(00823)近期破位而落後都一樣彈唔起,咁究竟係大戶夠淡定抑或周一只不過係借機殺一轉好倉後會再推番上去?相信好快就會有答案,大家不妨拭目以待!─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|蜂王乳|葉黃素|超視王|SEO|磷蝦油|神經滋養物質|關鍵字排名|PPLS|芙婷寶|維力康|網站排名|智勝王|GOOGLE排名|南極冰洋磷蝦油|保健食品|健康食品|台灣綠蜂膠|蜂王漿

發表迴響

你的電子郵件位址並不會被公開。 必要欄位標記為 *