【即市分析】期指結算前可以點部署…

【即市分析】期指結算前可以點部署… 2018年09月26日 09:20Tweet 東網電視更多新聞短片 東方產經「薦神」專欄作者帥哥:本周一港股成交冷冷清清,主板得693億元,不過中美雙方貿易戰消息暫時出得七七八八,加上美國本周加息結果幾無懸念,相信在期指結算前夕好友點都會守一守,投資者反而可吼位出擊。當然,如果反彈至現水平買正股博再上,就一定好有實力先得,反而用衍生工具刀仔鋸大樹則具一定值博率,不妨諗諗。走勢上,恒指唔經唔覺由9月12日低位26,219點彈到周一(24日)報27,499點,累彈約1,280點,雖然話後市在兩萬八點應有一定阻力。不過「唔賭唔知時運高」,既然都抽升至現水平,好友抖氣後隨時又再上,加上周一回調得都算深,今日(周三)反而可吼位跟進,博衝上兩萬八得一得唔覺意順便上埋8月尾近28,500點水平先肯停,跌穿10日線27,137點止蝕。相對地,大市今期彈得都算有睇頭,就連部分防守股都要回一回,好似隻領展房產基金(00823)上周五破位而落,本周一更乏力反彈跌0.5%報73.7元,睇勢到短期如果上唔番75元樓上,後市進一步回調機會都幾大,已持貨者應吼位止蝕。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|維力康|關鍵字排名|神經滋養物質|蜂王乳|GOOGLE排名|蜂王漿|南極冰洋磷蝦油|SEO|智勝王|健康食品|PPLS|磷蝦油|網站排名|保健食品|超視王|葉黃素|芙婷寶|台灣綠蜂膠

發表迴響

你的電子郵件位址並不會被公開。 必要欄位標記為 *