【有片】赫傑囝囝角球轟入 皇馬巴塞要搶人

【有片】赫傑囝囝角球轟入 皇馬巴塞要搶人 2018年09月13日 14:01Tweet 東網電視更多新聞短片 資歷較深嘅球迷都會記得,羅馬尼亞「左腳王」赫傑有幾好波,呢位曾經踢過皇家馬德里、巴塞隆拿等大會嘅中場,有個囝囝近期成為超級紅人!19歲嘅恩尼斯赫傑子承父業,16歲已經喺羅馬尼亞踢甲組兼做隊長,之後更加進軍意甲加盟費倫天拿,雖然今年初重返羅馬尼亞比賽,不過呢位天才中場繼續發威,日前喺U21歐國盃外圍賽開角球直轟入網技驚四座。同老竇一樣身披國家隊10號波衫恩尼斯赫傑,喺歐國外對波斯尼亞一仗下半場主踢角球,不過佢就選擇直射,結果個波直接彎入死角,睇到全場球迷拍爛手掌。據羅馬尼亞傳媒爆料,赫仔2個舊東前皇家馬德里同巴塞隆拿,以及意甲國際米蘭同土超加拉塔沙雷,都有意簽入呢位天才新星,其中以皇馬最為積極,消息指恩尼斯赫傑上年隨費倫天拿作客巴拿貝球場比賽,皇馬會長皮里茲已經提出轉會交涉,暫時喺呢場「星二代爭奪戰」領先。東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|超視王|蜂王漿|SEO|台灣綠蜂膠|保健食品|神經滋養物質|關鍵字排名|健康食品|PPLS|維力康|葉黃素|GOOGLE排名|網站排名|蜂王乳|磷蝦油|智勝王|南極冰洋磷蝦油|芙婷寶

發表迴響

你的電子郵件位址並不會被公開。 必要欄位標記為 *