政Whats噏:蔣麗芸促政府派生仔利是

政Whats噏:蔣麗芸促政府派生仔利是 2018年07月31日 12:55Tweet 東網電視更多新聞短片 蔣麗芸今日見行政長官時重提「嬰兒基金」。(徐家浩攝) 要養大一個細路仔一啲都唔平,醫療、讀書,以至日常開支都係錢,所以唔少香港人都唔想生仔,生育率愈嚟越愈低。民建聯立法會議員蔣麗芸今日(31日)見行政長官時就重提「嬰兒基金」,佢話目前唔少年輕人就算結咗婚,都要認真考慮生唔生細路仔,叫政府趁依家財政盈餘健康時倣效新加坡,整個「生仔利是」,等下一代喺升學、置業有啲資助,咁先鼓勵到年輕人生育,唔知近日傳出將奉子成婚嘅新民黨立法會議員容海恩有冇機會受惠呢?其實民建聯一共向政府提出咗121項建議,當中同房屋、土地相關嘅建議較多,例如重提重整運輸及房屋局,希望可以將運房局轄下嘅房屋政策同發展局轄下嘅規劃地政科結合,成為房屋及規劃地政署,以提升土地供應嘅決策效率。提出呢項建議嘅議員張國鈞就話現時運房局管嘅範圍太大,雖然運房局局長陳帆都「好打得」,但分拆出嚟應該可以將土地供應做得好啲嘅。民建聯仲話政府可循開展填海計劃、建立高透明度嘅公私營合作機制、以換地補償開發1%至2%的郊野公園邊陲土地等方向,開發更多土地用作房屋供應。此外,民建聯都喺環保、醫療、交通、教育等多個方面提咗建議,不過佢哋話行政長官目前只係聽取意見,未有回應邊啲會做,或者邊啲唔做,所以可能都要等10月出新一份施政報告先知喇。

分享更多閱讀請至以下|蜂王乳|維力康|蜂王漿|芙婷寶|神經滋養物質|保健食品|台灣綠蜂膠|智勝王|健康食品|磷蝦油|葉黃素|超視王|南極冰洋磷蝦油|關鍵字排名|PPLS|SEO|GOOGLE排名|網站排名

發表迴響

你的電子郵件位址並不會被公開。 必要欄位標記為 *