政Whats噏︰4名議員請助理 邊個最闊佬?

政Whats噏︰4名議員請助理 邊個最闊佬? 2018年07月31日 13:40Tweet 東網電視更多新聞短片 4名立法會議員都招聘緊議助。 每年暑假都係應屆畢業生嘅求職季節,適逢多名立法會議員最近都請議員助理,究竟邊位議員出手最闊綽?根據勞工處求職網站,立法會議員范國威(Gary)、胡志偉、許智峯(峯鴿)同葛珮帆(EQ)都招聘緊議助,其中三人都係要求議助每周返工5天半,即周一至周五返8小時、周六就返半日工。不過當中就以EQ較為闊綽,開價月薪為1.2萬港元至1.8萬港元,較其餘3名議員開價1萬港元至1.3萬港元為高。4名議員要求嘅議助資歷各有不同,雖然主要都係處理辦事處同地區工作及跟進個案,但峯鴿就列明具私人樓宇法團運作知識會優先考慮。而4人之中,Gary應該就最等人用喇,事關佢嘅立法會議員辦事處同地區辦事處都各招聘2名議助,即合共4人,都係喺將軍澳返工,似乎好需要人手咁噃。Gary話,因為佢喺大圍隆亨邨嘅辦事處即將投入服務,已調派人手去該邨工作。而將軍澳嘅辦事處咁啱有一名兼職同事離職,另一名實習生亦都喺暑假就會完成實習,所以出缺較多。當佢知道原來多名議員都請人時,佢第一個反應就係「咁多人請人咩?弊喇!」問佢會唔會提高薪金吸納人才,佢就話薪金係睇個人經驗,有得商量。而EQ就回應話,其議辦有兩名助理離職,所以都要請2名助理填補空缺,都知出面難請人咁話。峯鴿就話,因為中西區多私人樓宇,都希望議助同居民開法團會時有相關知識,畀到意見。佢都認為議員請助理好難,見工嘅人比預期少,可能因為外界對呢個行業觀感唔好,冇咩晉升階梯。佢又話,如果政府肯接受建議,將資助議員嘅辦事處租金津貼同議助薪金津貼分開,議員請人就可以闊綽啲喇。

分享更多閱讀請至以下|SEO|磷蝦油|保健食品|蜂王乳|南極冰洋磷蝦油|葉黃素|台灣綠蜂膠|蜂王漿|健康食品|維力康|神經滋養物質|PPLS|關鍵字排名|網站排名|芙婷寶|超視王|GOOGLE排名|智勝王

發表迴響

你的電子郵件位址並不會被公開。 必要欄位標記為 *