【工廠仔】寸王同曼聯婆媳糾紛 結局得1個

【工廠仔】寸王同曼聯婆媳糾紛 結局得1個 2018年07月30日 10:05Tweet 東網電視更多新聞短片 家家有本難唸的經,曼聯領隊莫連奴最近捲入球會內部鬥爭,同行政總裁伍德沃德就轉會問題反晒面。對於廣大曼迷嚟講,呢場鬥爭就好似一場婆媳糾紛,冇人會係贏家,而結局只得1個。莫連奴呢個「好家嫂」雖然性格剛烈但做得嘢,入門之後得到奶奶歡心,乜嘢名牌Pogba、Lukaku貴一貴都買畀佢,講真呢個奶奶都待佢不薄。只可惜蜜月期都係短暫,莫連奴見到有錢鄰居個新抱「奧娜」成身最潮名牌,懵盛盛走去怨奶奶唔Support佢,唔反面就假。歸根究底,莫連奴性格缺陷係最大問題。想奶奶同新抱情同母女當然極高難度,但要家和萬事興,至少要做到相敬如賓,「唔衰得」嘅莫連奴每次有麻煩都怨天尤人,球員、球迷、對手個個都得罪晒,最錯係公然批評球會高層唔做嘢(買人),係人都知「講奶奶壞話」係天字第1號死罪,奶奶最緊張嘅就係面子,個新抱犯眾憎仲點帶出去見人?莫連奴仍然當自己係Special One,只可惜呢個世界上,每個家庭都係唯奶奶獨尊,要解開呢個死結,除非莫連奴肯認衰仔,不過要「寸王」跪低未免係天方夜譚,所以結局其實已經寫好咗。文:工廠仔

分享更多閱讀請至以下|芙婷寶|神經滋養物質|智勝王|蜂王乳|台灣綠蜂膠|關鍵字排名|維力康|超視王|蜂王漿|保健食品|GOOGLE排名|健康食品|葉黃素|磷蝦油|SEO|南極冰洋磷蝦油|PPLS|網站排名

發表迴響

你的電子郵件位址並不會被公開。 必要欄位標記為 *