【寸王末日】備戰失衡犯眾憎 三季魔咒堅邪

【寸王末日】備戰失衡犯眾憎 三季魔咒堅邪 2018年07月30日 07:36Tweet 東網電視更多新聞短片 (互聯網) 正所謂好嘅唔靈醜嘅靈,曼聯領隊莫連奴今季係咪冇運行?寸王上季未能依照慣性取得錦標,到咗帶領紅魔鬼嘅第三季,會唔會延續之前嘅三季魔咒?之前兩次上車,以及執教皇馬,寸王都於第三季出事而被炒;18/19年球季未開始,莫連奴先公開評擊曼聯高層,於球員間亦犯眾憎,加上今夏備戰進度極曳,現竟有17名一隊成員未能參與操練,唔通已埋下莫連奴逢第三季均「不得善終」嘅伏線?曼聯上季聯賽,被同市宿敵曼城放甩,雖然奪英超亞軍,但球迷並不滿意,除分數遠遠被拋離外,仲原於寸王嘅「大巴戰術」。去到今夏,莫連奴公開抱怨球會冇於轉會市場全力支持自己,而且因為世界盃令唔少正選球員遲遲未歸隊,因而影響備戰進度,導致國冠盃成績低落,寸王亦好唔老利。近日遭另一死敵利物浦狂炒4:1,賽後寸王更公開表示,現時陣中嘅年輕球員唔夠班,話依家帶緊呢隊,根本唔係曼聯;此外又插安東尼馬迪爾為陪女伴生仔而離開集訓基地,都令球迷睇到好躁,因為寸王嘅言論極度影響軍心。同高層、球員唔咬弦,於寸王嘅執教歷史中不緬上演,兩次車仔「落車」,一次於皇馬冇得撈,被炒都係始於同球隊高層、球員不和。另外,除一班世盃腳包括保羅普巴、盧卡古、費蘭尼、艾舒利楊格、連格、拉舒福特、菲爾鍾斯同域陀連迪路夫未能準時歸隊外,目前艾歷拜利同安達靴里拉又加入十字大軍中,連同本身傷將基斯史摩寧、勞基梳爾、尼曼查馬迪、路爾斯華倫西亞、馬高斯盧祖、達洛特及羅美路,總共17個球員操唔到,新季英超首仗對李斯特城下月十號就開波,曼聯都咪話唔危。莫連奴同曼聯上下正蘊釀不安情緒,陣容不整、狀態不足極可能導致開季戰績不似預期,寸王如最後又被三季魔咒整死,實在不足為奇。東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|智勝王|健康食品|保健食品|超視王|芙婷寶|SEO|GOOGLE排名|台灣綠蜂膠|南極冰洋磷蝦油|蜂王漿|關鍵字排名|PPLS|神經滋養物質|蜂王乳|網站排名|維力康|葉黃素|磷蝦油

發表迴響

你的電子郵件位址並不會被公開。 必要欄位標記為 *