古勝:晶片股值得多關注

古勝:晶片股值得多關注 2018年06月27日 00:01Tweet 東網電視更多新聞短片 市場憧憬政府加大力度扶持半導體行業。 古勝在東方產經「MARKET INSIGHT」專欄表示,近兩個星期中港股市真係夠嚇人,恒指、國指及滬綜指先後破位而落,基本上死貓彈都唔見,尤其係恒指6月19日裂口下跌失守3萬關,到周一再失守埋250天牛熊分界線,似乎判咗港股死刑。不過,指數跌咗咁多,周二終於出現V彈,但最終都頂唔到尾,恒指收報28,881點,仍要跌79點,主板成交增至1,247億元。要留意係,調整市向來就無話唔彈得,只不過彈得少時跌得甘而已!就好似牛市期間都有調整,不過升多跌少,大漲小回。周二市況正好印證這一點,但古勝最驚係,後市如果陰陰落,而唔再係好似近期咁大棍陰燭落,屆時可能輸得仲慘,事關個個睇見咁不但止唔捨得做止蝕,更甚是或會加注溝貨,結果愈溝愈淡,再難翻身。睇番美國10年期國債孳息率落番2.89厘,但美匯指數就維持在94樓上的的偏高水平。正如早前所講,市場追捧美元資產,雖然與美國加息步伐加快以及中美貿易戰下投資者押注美國有關,但重點係其他高風險資產如高息貨幣澳紐加元、新興市場股市以至當地貨幣皆累積不少跌幅,可見環球投資市場似乎已進入全面避險(Risk off)模式,這對股市後向帶來啟示。板塊方面,要數較為強勢的相信非晶片股莫屬。華虹半導體(01347)唔經唔覺經已升到30元邊,而龍頭股中芯國際(00981)周二升2.7%,先進半導體(03355)則升4.8%。咁又難怪,外媒報道指華府擬限制中資持股比例達25%以上的企業收購涉及「重大工業技術」的美國公司,以及禁止向中國輸出技術,似乎美國總統「侵侵」今次擺明要打高科技產業戰,阻止中國提升國力!再加上美國財長日前又指投資限制將適用於「所有嘗試竊取美國技術的國家」,似乎今次唔係講玩。如果唔係周一晚道指都唔使跌成3舊幾。正因為咁,市場持續憧憬中央將加大力度扶持半導體行業及晶片國產化,睇落這個板塊隨時成為港股吹淡風下的逆市奇葩,值得長期關注。另外,市傳中國鐵塔計劃集資80億至100億美元,並尋求本周可獲上市審批,但周二所見,中國移動(00941)及中國電信(00728)分別升1.2%及1.6%,中國聯通(00762)則跌0.6%。由於中資電訊股主業在內地,相對上,受近期困擾市場的兩大因素,即貿易糾紛與人仔貶值的影響有限,再考慮到市場已消化內地將取消流量漫遊費之負面因素,故短期股價再彈機會不少。三者中,基於中移將成為中國鐵塔第一大股東,加上現價往績市盈率僅10倍,相較中電信的12倍吸引,若中移後市能在成交配合下企穩70元,值得小注跟進,目標價75元,止蝕68.3元。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|芙婷寶|蜂王乳|磷蝦油|維力康|PPLS|GOOGLE排名|健康食品|關鍵字排名|智勝王|SEO|超視王|台灣綠蜂膠|蜂王漿|葉黃素|保健食品|神經滋養物質|南極冰洋磷蝦油|網站排名

發表迴響

你的電子郵件位址並不會被公開。 必要欄位標記為 *