【我大晒】半場變陣佢話事 美斯做埋阿根廷領隊

【我大晒】半場變陣佢話事 美斯做埋阿根廷領隊 2018年06月27日 06:38Tweet 東網電視更多新聞短片 (Getty Images、法新社、互聯網圖片) 即上彩報世盃專頁:http://win.on.cc/football/cup2018/ 美斯破633分鐘世界盃入球荒,上半場建功帶領阿根廷死裡逃生,以2:1力挫尼日利亞,驚濤駭浪於D組以次名出線。美斯被盛傳除用入波協助國家隊外,仲實際上係球隊領隊,半場時步出球場時向一眾隊友訓話,比主帥森柏奧利更似領隊。森帥於賽後表示,佢最大職責係畀美斯有「盡情發揮自己能力嘅足球環境」,似乎係意有所指。上仗大敗予克羅地亞後,外地傳媒不斷傳出陣中球星唔妥森柏奧利,今仗對超霸鷹就改踢442,希古恩及迪馬利亞都回歸正選,唔少傳媒都戲謔呢隊係「美斯朋友隊」,指呢名球王實際上已成球隊領隊,傳出此陣都係由美斯決定。於半場步出球場前,美斯被電視直播拍到向隊友指手劃腳教排陣,呢個情形於美斯其他賽事好難睇到。於賽後球員瘋狂慶祝,森柏奧利卻同球員冇乜互動,森帥被架空傳聞空穴來風、未必無因。今仗美斯於14分鐘射入打開紀錄嘅一球,原來上次美斯入波,已經係上屆世界盃分組賽尼日利亞嘅一戰,當時美斯射入兩球。今仗賽後美斯高舉雙手慶祝,非常興奮:「阿根廷所有球員都有信心贏波,最後以咁緊湊嘅方式取勝,真係太正了,阿根廷配得上取得出線權。我知道上帝一直都眷顧阿根廷,唔會離棄我哋。」而森柏奧利就話:「球隊今場好有鬥心,踢出自己嘅水準。有美斯喺度,我哋於俄羅斯就有希望;我作為領隊,就係想辦法畀美斯,可以繼續盡情發揮自己能力,營造適合環境畀佢展現才能。」莫非美斯除咗好波之外,連教波都識?延伸閱讀:【美斯30秒講啲乜?盧祖入波靠「神訓示」】Link:https://bit.ly/2tyMMjj 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|PPLS|芙婷寶|超視王|GOOGLE排名|蜂王乳|關鍵字排名|SEO|磷蝦油|南極冰洋磷蝦油|網站排名|葉黃素|智勝王|蜂王漿|保健食品|維力康|神經滋養物質|台灣綠蜂膠|健康食品

發表迴響

你的電子郵件位址並不會被公開。 必要欄位標記為 *