【人物】非一般男神 抬起哈利卡尼的男人

【人物】非一般男神 抬起哈利卡尼的男人 2018年06月28日 18:36Tweet 東網電視更多新聞短片 即上彩報世盃專頁:http://win.on.cc/football/cup2018/ 英格蘭今屆世盃表現突出,2連勝轟入8球,王牌前鋒哈利卡尼入咗5球領先射手榜,「三獅軍團」嘅死球攻勢更非常凌厲,頭2仗3次憑角球入波。原來呢啲咁對辦嘅數字,全賴球隊嘅靚仔前鋒教練阿倫羅素爾(Allan Russell)付出,哈利卡尼亦公開大讚呢位「最型茄哩啡」有料到,英格蘭想捧盃都要靠佢!4年前踢緊美國次級聯賽4年前英格蘭喺世界盃敗走巴西,蘇格蘭出世嘅阿倫羅素爾身處加利福利亞州,為一間美國次級聯賽球隊效力,依家佢唔單止係英格蘭領隊修夫基嘅左右手,亦係英格蘭前鋒教練,每日同哈利卡尼、拉舒福特、史達寧等星級球員共事,包括為球隊設計各種死球攻勢,修夫基表示:「我哋認為死為係今屆其中一個最重要武器,阿倫每日都好努力咁研究同訓練。」球員生涯淪為「人球」自封為「世界最佳前鋒教練」嘅阿倫羅素爾,對自己嘅能力信心十足,不過37歲嘅佢大部份時間都係其他人眼中「茄哩啡」,球員時代慘成「人球」,踢過聖美倫、咸美頓、基爾馬諾克同馬爾斯菲等十幾間球會,最後仲要去美國次級聯賽球會落班,點估到佢會成為哈利卡尼嘅師傅?雖然足球生涯唔算成功,但阿倫羅素爾喺教練事業搵到出路,哈利卡尼對佢亦非常信任:「阿倫每次都同我哋練射門,教我哋點樣走位同合作,點樣搵出龍門同後防嘅弱點。我哋(英格蘭前鋒)都係頂級球員,阿倫唔需要喺技巧上訓練我哋,但佢嘅計劃同一啲小竅門令我獲益良多,目前為止效果好好!」曾為Christina Aguilera抬轎有一頭金髮兼健碩身材嘅阿倫羅素爾,唔少球迷都讚佢有「萬人迷」碧咸影子,事實上阿倫羅素爾亦客串做過Model,喺2003年嘅MTV頒獎典禮,佢就曾經打大赤肋,同幾位猛男齊齊為美國樂壇天后Christina Aguilera抬轎,或者呢位最強「茄哩啡」,今屆可以將哈利卡尼抬上王者寶座呢!東網體育FB同你追實體壇每個精彩時刻!http://bit.ly/2ecTF2A

分享更多閱讀請至以下|芙婷寶|蜂王漿|葉黃素|健康食品|PPLS|蜂王乳|維力康|台灣綠蜂膠|SEO|保健食品|超視王|關鍵字排名|GOOGLE排名|網站排名|南極冰洋磷蝦油|智勝王|神經滋養物質|磷蝦油

發表迴響

你的電子郵件位址並不會被公開。 必要欄位標記為 *