政Whats噏:郭振華撐黃錦星 回收基金唔係提款機

政Whats噏:郭振華撐黃錦星 回收基金唔係提款機 2018年05月31日 17:45Tweet 東網電視更多新聞短片 郭振華(左)力撐黃錦星(右)在回收基金方面的工作。(徐家浩攝) 回收基金近日被批評行政費用過高,仲有議員形容係「大嘥鬼」,環境局局長黃錦星日前形容係「合理水平」,回收基金諮詢委員會主席郭振華(Jimmy)今日(31日)出席一個企業環保頒獎禮時力撐黃錦星。Jimmy話,回收基金唔係提款機,唔係一收到申請就批錢,要先評估技術等方面係咪可行後,才決定係咪批出撥款,有時仲會為申請者提出反建議改善計劃。Jimmy話,回收基金有10億港元,依家才批出一億港元,壓力都好大,各同事都想快啲批錢出去,但申請計劃唔得就唔可以批錢,試過有申請者掛名係回收業,但聽到基金要派人去視察,就話唔繼續申請,亦試過基金派人評估某申請者嘅計劃時,發現申請者想買嘅機器,根本無法製造出計劃中嘅膠製品,更有部分計劃錯估市場價格,基金評估後發現計劃無法持續可行,呢啲計劃全部都要調整,過程中涉及評估及視察等工作,唔會亂咁批錢。對於有議員批評回收率嘅問題,Jimmy就話回收涉及市場因素,例如若膠粒價格低,就根本冇人肯收膠,加上每個項目都需要幾年時間才見到成效,回收基金亦並非喺成立初期已批出所有錢,應該再過幾年才評估香港回收率,咁樣對基金才公平。

分享更多閱讀請至以下|蜂王漿|蜂王乳|超視王|保健食品|健康食品|關鍵字排名|芙婷寶|SEO|維力康|磷蝦油|葉黃素|網站排名|台灣綠蜂膠|PPLS|南極冰洋磷蝦油|智勝王|GOOGLE排名|神經滋養物質

發表迴響

你的電子郵件位址並不會被公開。 必要欄位標記為 *