政Whats噏︰楊潤雄串爆議員「一時一樣」

政Whats噏︰楊潤雄串爆議員「一時一樣」 2018年05月30日 12:26Tweet 東網電視更多新聞短片 楊潤雄到立法會接受質詢,串爆議員「一時一樣」。(胡家豪攝) 教育局早前決定於今年恢復小三全港性系統評估(TSA),當局會抽出每間公營及直資學校部分小三學生參與評估,校方亦可自行申請全級小三學生參與評估。教育界立法會議員葉建源喺立法會提出口頭質詢,指至4月底已有230間小學選擇全級學生參與評估,要求教育局交代申請全級參與評估嘅學校學生數目資料、學校種類等。教育局局長楊潤雄就話,當初係議員話教育局公開施壓,所以局方先冇再向考評局過問有關資料,依家又話佢哋冇資料,串爆議員「一時一樣」。楊潤雄會上回答葉建源質詢時話,教育局並唔掌握有關資料,亦唔會向考評局查詢。多名泛民議員一聽到局方話冇資料,就即刻咬住唔放。其中民主黨(白鴿黨)議員黃碧雲就話,唔明白點解可以唔公布資料,搞到咁秘密,又質疑唔知係教育局用考評局做擋箭牌,定係教育局同考評局打龍通,批評楊潤雄不負責任。而同屬白鴿黨嘅議員許智峯亦都質疑,有成200多間小學係申請全級小三學生參加評估,根本就對減輕操練冇幫助。唔知係咪因為「天口㷫、冇祈禱」,楊潤雄似乎都沉唔住氣,話過往教育局被指畀壓力學校,所以當局先公開承諾唔問邊啲學校參與評估,所以依家先冇資料,議員「一時一樣」,令佢哋好難做咁話,佢仲叫議員要攞有關資料,自己問考評局攞添!

分享更多閱讀請至以下|SEO|健康食品|芙婷寶|神經滋養物質|南極冰洋磷蝦油|葉黃素|PPLS|智勝王|網站排名|維力康|超視王|台灣綠蜂膠|蜂王漿|GOOGLE排名|關鍵字排名|保健食品|磷蝦油|蜂王乳

發表迴響

你的電子郵件位址並不會被公開。 必要欄位標記為 *