古勝:聯想集團尋求新轉機

古勝:聯想集團尋求新轉機 2018年05月30日 00:02Tweet 東網電視更多新聞短片 聯想集團。(中新社圖片) 古勝在東方產經「MARKET INSIGHT」專欄中表示,港股成交淡靜,從近期大市交投而言,算係應驗咗「五窮」的「窮」﹗呢期國際政經事件頻生,大家都對六絕月有戒心。事實上,A股即將入摩,但A股表現仍然依舊疲弱,短期市場缺乏利好消息。既然冇咩目標,選擇少做少錯亦可理解!恒指周二收市唔見三舊,收報30,484點,都喺上落區域內,冇咩特別。論板塊,繼續係內需、教育、醫療等不受外圍因素影響的板塊輪流接力炒作。就如周二醫藥股同教育股抖氣,又輪到內需概念如食品股接力。事緣康師傅控股(00322)公布的季績靚仔,首季賺7.12億元人仔,增長64%,毛利率上升1.62個百分點至29.66%,故獲多家大行唱好,股價逆市上升逾半成,收報17.58元,突破雙頂阻力。只是考慮到市況偏軟,短線高位有獲利回吐都唔出奇,但守得住16元樓上,又可以翻兜,目標年內反覆向20元關進發。同類股中,中國旺旺(00151)下周派成績表,周二受惠於康師傅報佳音,旺旺股價亦升近半成收市,報7.56元。同係炒行業復甦概念,旺旺股價表現相對落後。不過,論估值,7元邊上車的值博率會較吸引,反正依家唔係咩大旺市,古勝會選擇等一等再睇位跟進。市場消息指內地擬增加從美國進口煤炭,以助縮減中美貿易逆差。查實這些年內地煤炭業一直在努力去產能,今年煤價算係好番啲,如果加大從美國進口煤炭,即使係針對高質煤炭,整體供應量還是會增加,對煤企自然唔係好消息,但具運煤能力的航運企業就多咗生意做。到底個消息係咪真,不妨等着瞧!聯想集團(00992)話正考慮研究回歸A股,不排除透過CDR形式或分拆業務在內地上市。事實上,呢幾年聯想的發展令唔少小股東失望,即將被剔出藍籌成分股也許就是結果,究其原因,營運表現缺乏持續性係一個問題,再講,集團未能將個人電腦業務的成功擴展至其他高增長領域,移動業務及數據中心業務始終未能擔大旗,而在設備+雲服務方面的投資龐大但成效仍有待觀察,股價低迷事必有因。作為一個內地知名的電子消費品牌,聯想的發展應該可以更好。去年曾傳出聯想或進行私有化,畢竟股價如此疲弱,維持上市在融資及市場形象方面似乎都未見太多好處,反正大股東聯想控股(03396)已在港上市,私有化聯想集團,未嘗不是一個減低營運成本同以便進行更大幅度改革的選擇,相信如今會睇埋回A或分拆業務的可能性,再一併考慮。若係長情小股東,反正去到呢啲位,唔想「斷臂」,唔爭在等多半載,睇吓有冇轉機。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|保健食品|芙婷寶|關鍵字排名|超視王|南極冰洋磷蝦油|維力康|蜂王漿|台灣綠蜂膠|GOOGLE排名|蜂王乳|SEO|智勝王|磷蝦油|健康食品|PPLS|神經滋養物質|葉黃素|網站排名

發表迴響

你的電子郵件位址並不會被公開。 必要欄位標記為 *