古勝:國指比重調整 提供機會

古勝:國指比重調整 提供機會 2018年05月29日 00:02Tweet 東網電視更多新聞短片 中海油。(美聯社圖片) 古勝在東方產經「MARKET INSIGHT」專欄中表示,呢頭美國總統「侵侵」話美朝領導人未到適當時間會面,嗰頭美國代表團已抵達板門店為「特金會」作準備。到底係咩玩法?相信係「侵侵」肚裏的蟲先知!唔知佢幾時又再亂講嘢,資金選擇少做少錯。也許要等「侵侵」多放幾響空炮,投資者耳朵習慣了,屆時市況大方向可能會漸趨明朗。「特金會」有轉機,中興通訊(00763)恢復營運露曙光,加上本周又係港股期指結算,恒指周一先跌後回升,收報30,792點,升204點。藍籌中,升得最勁的係中國石油(00857),升逾6%;兩隻科技股舜宇光學(02382)及瑞聲科技(02018)升幅介乎3至4%;友邦保險(01299)、吉利汽車(00175)及濠賭股都有發力,可惜係成交得843億元,不足以定論後市方向。下個月中世界盃開鑼,傳統話畀股友聽,大家都去咗睇波賭波,股市會更加靜。陰謀論話此前大戶可能盡量會托住指數,完成部署淡倉就殺落一浸,然後睇波兼抖暑。不過,如今港股經已「轉莊」,即由以往愛睇波的外資芬佬主導到變成今時今日由北方資金主導,咁世界盃行情會唔會有例外?反正投資並冇一本通書睇到老,見機行事。市況去向未明,惟受惠於世界盃舉行的個股還是先炒一步,如啤酒類股份。青島啤酒(00168)股價升4.6%,華潤啤酒(00291)升5.9%。世界盃效應再加埋天時暑熱又係銷售旺季,都無謂估頂。至於體育用品股會唔會接力再炒一轉,見到現時估值普遍都唔平,古勝選擇做旁觀者。國指加入10隻紅籌同民企股,完成五個階段調整後比重上限會增至10%,首階段比重上限2%已於3月5日生效,第二階段增至4%會在6月4日生效。睇番嗰十隻國指新貴,以3月2日收市價至今最多累升幅度介乎3.8至50%不等,其中石藥集團(01093)最多累升逾五成,接下來按次分別是中國燃氣(00384)及中海油(00883),最多累升34%及31%,而表現最差的係中國移動(00941),期內股價最多僅升3.8%。周五收市前,指數基金可能又要做嘢,雖然預期相關個股未至於會好大反應,惟此前還是可以留意,如粵海投資(00270)同華潤置地(01109)。─ ─ ─ ─ ─ ─ 「東網Money18」全新功能「貼市貼士」,助你掌握投資先機http://bit.ly/2sLtGDm 「互聯餘額」數據,助你掌握北水動向 http://money18.on.cc/connect/dqb.html

分享更多閱讀請至以下|PPLS|南極冰洋磷蝦油|超視王|保健食品|GOOGLE排名|蜂王乳|網站排名|芙婷寶|神經滋養物質|SEO|葉黃素|磷蝦油|台灣綠蜂膠|蜂王漿|智勝王|健康食品|維力康|關鍵字排名

發表迴響

你的電子郵件位址並不會被公開。 必要欄位標記為 *