【列強起動】阿蘇唔咬人 烏拉圭去到幾遠?

【列強起動】阿蘇唔咬人 烏拉圭去到幾遠? 2018年05月29日 06:10Tweet 東網電視更多新聞短片 即上彩報世盃專頁:http://win.on.cc/football/cup2018/ 喺外圍賽以南美洲區次名出線嘅烏拉圭,論正選陣容可以話係世界頂級,由蘇亞雷斯同卡雲尼組成嘅夢幻鋒線,可能係今屆決賽周最強前鋒組合之一,加上一條「馬體會」鋼鐵防線,今屆嘅烏拉圭可以話係攻守兼備,而且大賽經驗非常豐富,有望成為今屆世界盃一路奇兵。烏拉圭喺1930年同1950年兩奪世界盃冠軍,亦曾經3次拎到殿軍,包括最近1次喺2010年發生,當年領隊泰巴尼斯至今仍然領軍,嗰年嘅蘇亞雷斯、卡雲尼、高甸同梅斯利拿等都由年輕新星變成依家嘅老大哥,佢哋仲一齊贏過2011年美洲國家盃冠軍,絕對係合作無間,呢樣正正係烏拉圭最大本錢。泰巴尼斯帶領烏拉圭連續3屆殺入世界盃決賽周,球隊喺佢領導下一直有穩定表現,當然烏拉圭今屆可以拎到乜嘢成績,好大程度視乎蘇亞雷斯嘅表現,佢喺上屆世盃發生「咬人事件」,被罰停賽下連累球隊16強出局,已經31歲嘅「哨牙蘇」依家更加成熟,今屆決賽周當然要吐氣揚眉,希望可以拎到更好成績。帥料泰巴尼斯(烏拉圭˙71歲)71歲嘅泰巴尼斯經驗豐富,曾經教過小保加、AC米蘭等世界級勁旅,自2006年開始成為烏拉圭主帥,屬於國家隊罕見嘅「長壽領隊」,深受烏拉圭球迷愛戴。最強23人門將梅斯利拿 31歲 加拉塔沙雷(土超)馬田甘賓拿 29歲 獨 立 隊(阿甲)馬田施華 35歲 華 斯 高(巴甲)後衞彭 利 拿 34歲 波  圖(葡超)高  甸 32歲 馬德里體育會(西甲)荷西基文尼斯 23歲 馬德里體育會(西甲)高亞迪斯 27歲 士 砵 亭(葡超)馬田卡沙利斯 31歲 拉  素(意甲)加斯頓施華 24歲 獨 立 隊(阿甲)古利姆華利拿 25歲 彭 拿 路(烏甲)中場盧卡斯托拉拿 22歲 森多利亞(意甲)基斯甸洛迪古斯 32歲 彭 拿 路(烏甲)加斯頓拉美利斯 27歲 森多利亞(意甲)馬泰斯雲仙奴 26歲 國際米蘭(意甲)迪阿拉斯卡達 24歲 高 士 路(巴甲)賓坦古亞 21歲 祖雲達斯(意甲)蘭 迪 斯 22歲 小 保 加(阿甲)安祖斯山齊士 33歲 蒙 特 雷(墨超)費迪華維迪 19歲 拉科魯尼亞(西甲)前鋒卡 雲 尼 31歲 巴黎聖日耳門(法甲)蘇亞雷斯 31歲 巴塞隆拿(西甲)史杜安尼 31歲 基 羅 納(西甲)麥斯高美斯 21歲 切 爾 達(西甲)世盃戰鬥史今屆係烏拉圭第13次出戰世界盃決賽周,之前12次參賽有9次躋身淘汰賽,包括1930年第1屆世界盃,佢哋就係以東道主身份捧盃,之後2屆佢哋因為場外因素拒絕參賽,直到1950年再度出戰即第2度奪冠,呢段時間亦係烏拉圭足球史上最風光一頁。 東網體育FB同你追實體壇每個精彩時刻!http://bit.ly/2ecTF2A 

分享更多閱讀請至以下|超視王|網站排名|GOOGLE排名|磷蝦油|神經滋養物質|健康食品|關鍵字排名|維力康|蜂王乳|葉黃素|PPLS|芙婷寶|南極冰洋磷蝦油|台灣綠蜂膠|智勝王|蜂王漿|保健食品|SEO

發表迴響

你的電子郵件位址並不會被公開。 必要欄位標記為 *