政Whats噏:深水埗劃新區 建制泛民爭揸莊

政Whats噏:深水埗劃新區 建制泛民爭揸莊 2018年04月30日 00:30Tweet 東網電視更多新聞短片 區議會明年換屆,有傳姚松炎將落區再戰鄭泳舜。(設計圖片) 區議會將喺下年換屆,各黨派都密鑼緊鼓為選舉做準備同協調,但隨住社會發展,唔少選區都要重新劃分過,其中1個戰況激烈嘅就係目前共有23個議席嘅深水埗區議會,依家建制佔12席,泛民佔11席,兩派只相差1席,但鑑於預料重新劃區後會增加兩個新議席,可見新選區將會係喺區議會搶奪主導權嘅關鍵。有地區人士透露,除咗主席之外,建制同泛民喺區議會各佔1半,由於爭拗多咗,會議時間愈嚟愈長,建制派覺得費時失事,窒礙咗議會運作,因此建制派希望攻新區攞多一至兩席,扭轉依家嘅局面,當然泛民亦都唔想失落依家平起平坐嘅優勢。據了解,其中1個新選區係之前公屋重建嘅蘇屋選區,另1個就有傳會喺幸福選區、「長沙灣四小龍」劃出嚟,指幸福選區將會拆開1半,將星匯居、碧海藍天、新居屋凱樂苑等撥入同一選區,同時隔離嘅荔枝角中選區人口數字接近飽和,所以估計「四小龍」之一嘅宇晴軒會撥落新選區,但確實嘅規劃仍有待公布。人選方面,有傳現任幸福選區區議員、民主黨(白鴿黨)鄒穎恒將會隨部分樓宇撥入新選區而出戰新選區,至於原有嘅幸福選區,聞說就由鄒穎恒「娘家」民協嘅成員接手;建制方面,民建聯社區幹事張德偉已服務幸福選區多年,或會出戰幸福選區,新選區則尚未確定。至於蘇屋選區,預料將係民建聯何坤洲同民協陳銘基對壘。戰局嘅焦點唔止喺新選區,舊選區方面,近年唔少議員都選擇以「孖寶形式」出戰,以增加勝算,而有傳嚟緊泛民唔止會孖住落區,仲會「圍住落區」。早前就有傳喺立法會九龍西補選落敗嘅姚松炎,有意喺明年轉戰區議會,仲要喺補選勝出嘅民建聯鄭泳舜所屬南昌北選區,實行喺區議會再戰鄭泳舜。睇返依家五個南昌選區,當中有3個都屬於建制派,有指姚松炎將會同其他民主派人士結盟,包括民協南昌西選區區議員衞煥南,實行以協同效應方式出戰。不過,鄭泳舜就話無論對手策略係點,佢嘅工作始終如一,會做好社區工作同地區服務,建制派亦都會喺所有區全力以赴,爭取最多嘅票數。

分享更多閱讀請至以下|網站排名|SEO|超視王|芙婷寶|關鍵字排名|蜂王漿|神經滋養物質|保健食品|南極冰洋磷蝦油|蜂王乳|磷蝦油|台灣綠蜂膠|GOOGLE排名|智勝王|婦貴寶|PPLS|健康食品|葉黃素

發表迴響

你的電子郵件位址並不會被公開。 必要欄位標記為 *